Sven-Bertil Tob

Sven-Bertil Tob, Sven-Bertil Gunnar Evert Tob (şved. Sven-Bertil Gunnar Evert Taube; 1934 yılnıñ 24 noyäbre, Stokholm — 2022 yılnıñ 11 noyäbre, London) — Şvetsiä aktörı, cırçısı häm kompozitorı.

Sven-Bertil Tob şved. Sven-Bertil Taube
Tuu datası	24 noyäber 1934
Tuu urını	Şvetsiä, Stokholm
Ülem datası	11 noyäber 2022 (87 yäş)
Ülem urını	Böyekbritaniä, London
Watandaşlıq	Şvetsiä
Hönär	aktör[en], cırçı, kompozitor
Karyera	1949 yıldan (kino) 1963 yıldan (teatr) 1954 yıldan (muzıka)
Yunäleş	drama[ba], triller[en], kriminal[kk]
Büläklär	«Gremmi[en]» (1970, 2014, 2015) «Altın qoñğız[en]» (1994, 2012)
IMDb	ID 0851422

Biografiäse häm karyerası

Sven-Bertil — rässam Astri Tob^[en] häm muzıkant häm şağir Evert Tob^[en] ulı. Ğailä familiäse Tob^[en] dvorän näselenä qarıy.

Sven-Bertil Tob urta mäktäpne Stokholmda tämamlağan. 1949 yılda anıñ öçen kinoda debüt bulğan, anda ul üzen uynağan. Tob AQŞnıñ Konnektikut ştatındağı Darien şähärendä «Cherry Lawn School»da uqığan, anda 1954 yılda yuğarı belem alğan. Manhettenda Tob üzeneñ berençe cırların başqara başlağan.

1956 yılda Sven-Bertil Tob Madridta üz kompozitsiälären başqara başlağan. Stokholmda teatr mäktäbendä aktörlıq ostalığına öyrängän, 1959 yılda Patşa drama teatrında^[en] eşli başlağan. Şulay uq Sven-Bertil Stokholmda ğına tügel, Göteborgta, Kopenhagenda häm Osloda da teatr quyılışlarında qatnaşqan.

Tob cırçı buludan tış, konferansye^[kk] bulıp ta eşlägän. 1950 yıllarda Tobnıñ küpsanlı audioyazmaları çığarılğan. Sven-Bertil Tob Karl Mikael Bellman^[en], Nils Ferlin^[en], Leo Ferre^[en], Mikis Teodorakis häm üz ätiseneñ äsärlären interpretatsiäläw^[de] belän uñışlı şöğellängän. 1970 yılda Sven-Bertil ätise belän Gröna Lundtağı^[en] konsertlarda kürenä başlağan.

Tob Londonda teatr quyılışlarında eşlägän.

Aktör bularaq «Börket cirgä utırğan^[en]», «Arn: Alpar-tamplier^[en]», «Arn: Patşalıq yul azağında^[en]», «Ajdaha tatuwı bulğan qız^[en]», «1790 yıl^[en]» kebek filmnarda häm seriallarda qatnaşqan.

Şäxsi tormışı

1958 yıldan 1962 yılğa qädär Sven-Bertil Tob aktrisa İnger Tobğa^[sv] öylängän bulğan. 1960 yılda alarnıñ ulı Yesper Tob^[sv] tuğan.

1975 yılda Tob aktrisa Enn Zaxariasqa^[sv] öylängän, läkin alar şul uq yılda ayırılışqannar. 1979 yılda alarnıñ qızı aktrisa Saşa Zaxarias^[sv] tuğan.

1985 yıldan Tob biüçe Mikaela Ridenğa öylängän bulğan. 1994 yılda alarnıñ ulı Feliks tuğan. Monnan tış, Sven-Bertil Tobnıñ şulay uq 1965 yılda Şvetsiä sotsial-demokratik eşçelär partiäse^[en] äğzası Gunilla Torgrennan^[sv] tuğan nikaxtan tış qızı Ann-Şarlott Tob bar.

Sven-Bertil Tob Londonda yäşägän. 2022 yılnıñ 11 noyäbrendä wafat bulğan.

Diskografiäse

• 1954 — Swedish Folk Songs & Ballads (10" LP)
• 1960 — Carl Michael Bellman
• 1960 — Sven-Bertil Tob sjunger Evert Tob
• 1961 — Nils Ferlin
• 1962 — Skillingtryck och andra fina visor från flera sekler
• 1963 — Carl Michael Bellman, volym 2
• 1964 — Tiggarens opera
• 1964 — Erik Axel Karlfeldt
• 1965 — Pastime with Good Company (med Dorothy Dorow)
• 1967 — Sjunger 22 barnvisor/3 sagor
• 1967 — Carl Jonas Love Almqvist (med Lilian Sjöstrand)
• 1968 — Peter och vargen/Orkesterguide för ungdom
• 1968 — Visor (Utökad utgåva av Swedish Folk Songs & Ballads)
• 1970 — Evert Tob
• 1972 — 12 visor av Evert Tob
• 1973 — Ulf Peder Olrog
• 1974 — Sjunger Mikis Theodorakis
• 1975 — Caballero! Visor och ballader av Evert Tob
• 1976 — Sings Mikis Theodorakis (samma visor som «Sjunger» men på engelska)
• 1977 — A Swedish Musical Odyssey
• 1978 — Borta bra men hemma bäst. Visor och ballader av Evert Tob
• 1979 — Närmare dig
• 1980 — Många hundra gröna mil — på Berns Salonger (Live)
• 1981 — Sjunger Leo Ferré
• 1981 — I and Albert. A New Musical
• 1983 — Inbjudan till… Ord och toner av Evert Tob
• 1985 — Årstider
• 1990 — Tango
• 1993 — Inspiración Argentina!
• 1993 — Sven-Bertil Gunnar Evert Tob sjunger Evert Tob 1950-93 (5-cd-samling)
• 2007 — Alderville Road
• 2013 — Tob tolkar Tob
• 2014 — Hommage
• 2015 — Hommage Vol. 2

Büläkläre

• «Gremmi^[en]» (1970, 2014, 2015).
• «Altın qoñğız^[en]» (1994, 2012).

Ädäbiät

• Taube, Sven-Bertil; Karlsson Petter, Forsell Jacob (2007) Ord och många visor. Stockholm

Sıltamalar

• Internet Movie Database сайтында Sven-Bertil Tob(ингл.).