Рәдиф Кашапов
Рәдиф Кашапов, Рәдиф Фәрит улы Кашапов (1982 елның 9 июнендә ССРБ, РСФСР, ТАССР, Балык бистәсе районы, Котлы Бөкәш) — журналист, музыкант, оештыручы, драматург, шагыйрь, язучы.
| Рәдиф Кашапов | |
|---|---|
 | |
| Туган | 9 июнь 1982 (42 яшь) Котлы Бөкәш авылы, Балык Бистәсе район, Татарстан Республикасы, Рәсәй |
| Ватандашлыгы |  Россия |
| Һөнәре | журналист, язучы, шагыйрь, драматург, музыкачы |
Тормыш юлы
үзгәртүБалык бистәсе районының Котлы Бөкәш авылында туган.
Балачакны Татарстанда һәм Калининград өлкәсендә уздырган, аннары гаиләсе Чаллыга күчкән. 1999 елда ул 2 нче татар гимназиясен тәмамлаган. 2004 елда КДУ ның журналистика, социология һәм психология факультетында журналистика белгечлеге буенча диплом алган.
Башта төрле республика һәм һәвәскәр нәшерләрдә басылган. 2002-2005 елларда - «Восточный Экспресс» гәзите корреспонденты. 2005 елның азагында Петербургка күчкән. Анда «Балтика» заводлары корпоратив гәзите корреспонденты, Gaudeamus гәзите язучысы һәм мөхәррире, Sobaka.ru журналының журналисты булып эшләгән. 2014 елның мартында Казанга кайткан. «Бизнес Онлайн» интернет-гәзите журналисты, KZN.Sobaka.ru журналының веб-мөхәррире һәм баш мөхәррире булып эшләгән. Берничә ел «Открытая школа» проектында куратор булган.
2018 елның апреленнән - Yummy Music лейблының креатив директоры. 2020 елның маеннан - Чәк-чәк музее белгече. 2022 елның апреленнән - realnoyevremya.ru онлайн-газетасынын баш мөхәррир урынбасары.
Проектлары
үзгәртү2015 елдан «Мин Татарча сөйләшәм» акциясенең кураторы.
2016 елдан Jadidfest һәм «Печән базары» фестивальләре кураторы.
2018 елдан ул Tat Cult Fest ның төп оештыручыларының берсе.
2018 елдан ул Tat Cult Lab / Музыка лабораториясен оештыручыларның берсе.
Ильяс Гафаров белән берлектә татар эмигрантлары турында «Туңган як» белән «Туңган як: Суоми» документаль фильмнары төшергән. «Моң. Аңлатма» фильмы режиссеры.
Камал театры сәхнәсендә «Калеб» иҗат оешмасы куйган «Сәрләүхәсез» һәм «Ишекләр» спектакльләрдә уйнаган, «Буяулар» спектакле театр монологлар, 10 перформанс авторы.
2017-2019 елларда «Камал мәктәбе» проектын алып барды.
«Ачык университет» проектында ике онлайн курс авторы (хәзерге татар мәдәнияте һәм татар дизайнерлары өчен материаллар).
Салават Юзеевның «Шихаб хазрәт» фильмында алып баручы, «Ехали татары» веб-сериалының сценаристы.
«Татарча комикслары» проекты кураторы. «Татар хатын-кызлары» комикслары өчен текстлар әзерләүче.
2018 елда аңа Татарстан Республикасы Президентының рәхмәт хаты бирелде. Потанин фондының «Искусный глагол» конкурсында җиңүче.
Ике роман («Стереолистья», «Окно в потолке») һәм бер шигырь җыентыгы язган.
Берничә пьеса авторы. «Аһәң» проектында аның «Кубыз кабыз» мини-пьесасы дөнья күрде. 2022 елгы «Печән базарында» - «Фәтхулла хәзрәт 2022» променады. «Яңа татар пьесасы» лабораториясендә «Алия галәмнәре» һәм «Хәтәр хәтер кыйсса» пьесалар, Тинчурин исемендәге театрда «Шәһәр ияләре» пьесасы укылган.
Рус теленә Мак Рэндалл язган «Radiohead: музыка побега» китабын тәрҗемә иткән.
Музыка
үзгәртүРус телендә җырлар 1996 елдан, татар телендә - 2003 елдан иҗат итә. Казанда «Черная весна», «Не прислоняться», rhymes төркемнәрендә уйнаган. Петербургта bye-bye violet tapes төркемен оештырган, соло-проект исеме – vodda.
2015 елда ул Казан, Санкт-Петербург, Хельсинки, Мельбурн, Түбән Новгород студияләренә җыелган «Тамгалалар» татар телендә альбомын яздырган. 2017 елда ул «Өмет станциясе» альбомын чыгарган, а 2020 елда - «Галиябану» альбомын.
Шулай ук шагыйрь Йолдыз Миңнуллина белән YMRK проектының электрон альбомын яздырган.
2019 елда qaynar төркеме оештырган. Ул 2022 елда meresimner альбомы чыгарган.
Ул Казан, Мәскәү, Санкт-Петербург, Рига, Берлин, Нюрнберг, Вроцлав, Таллин, Екатеринбургта чыгыш ясаган.
Сылтамалар
үзгәртү- Петербургский музыкант Радиф Кашапов выступит в Казани.
- Хабр Карьера 2022 елның 7 декабрь көнендә архивланган..
- На YouTube вышел документальный фильм о татарских эмигрантах.
- Институт музыкальных инициатив.
- Jadidfest: мир будущего.
- Радиф Кашапов выпустил новый альбом «Галиябану».
- Как группа Radiohead записывала «Kid A» и «Amnesiac» — лучшие альбомы 2000-х.
- «Мои песни татарские, даже если в них нет пентатоники, не звучит баян и не упоминается родная мама». Премьера альбома Радифа Кашапова «Өмет станциясе».
- В Уфе пройдет акустический концерт Радифа Кашапова.
- В сети появился первый татарский клип, созданный с помощью искусственного интеллекта.