Мөхәррәм Инҗә
Мөхәррәм Инҗә (төр. Muharrem İnce, 1964 елның 4 мае, Төркия, Ялова, Әлмалык) — Төркия сәясәтчесе, белеме буенча — физика-химия укытучысы. Ялова шәһәреннән сайланган парламент депутаты. «Ататөрек фикере» асссоциациясе президенты. Төркиянең җөмһүрият халык фиркасе әгъзасы.
| Мөхәррәм Инҗә | |
|---|---|
 | |
| Төркиянең җөмһүрият халык фиркасенең парламент төркеме рәисе | |
| Вазыйфада 2010 елның 1 июне – 2014 елның 18 августы | |
| Төркиянең Бөек Милләт Мәҗлесе депутаты | |
| Вазыйфага керешкән 2002 елның 19 ноябре | |
| Шәхси мәгълүмат | |
| Туган | 4 май 1964 (60 яшь) Төркия, Ялова районы, Әлмалык |
| Сәяси фирка | Төркиянең җөмһүрият халык фиркасе |
| Әни | Зәкия (Zekiye) |
| Әти | Шәриф (Şerif) |
| Белем | Бурса-Улудаг университеты (Балыкесир) |
Тәрҗемәи хәле
үзгәртү1964 елның 4 маенда Төркиянең Ялова районы Әлмалык авылында туган. Әтисе Шәриф (Şerif), әнисе Зәкия (Zekiye). Яловада урта мәктәп, «физика-химия укытучысы» белгечлеге буенча Балыкесир шәһәрендәге Бурса - Улудаг университетын тәмамлаган. Физика укытучысы һәм мәктәп мөдире булып эшләгән. Соңрак «Яловаспор» (Yalovaspor) ФК матбугат үзәге җитәкчесе була. Яңа Төркиягә нигез салган Мостафа Кәмал Ататөрк идеяләрен хуплаучы «Ататөрек фикере» асссоциациясе президенты итеп сайлана.
Сәясәт
үзгәртү
2002 елдан бирле М. Инҗә Төркия президенты Рәҗәп Таййип Әрдоган һәм ул җитәкләгән Гаделлек һәм тәрәккыять фиркасенең алып барган сәясәтен иң кискен тәнкыйтьләүчеләрнең берсе.
2010 елда Төркиянең җөмһүрият халык фиркасенең парламент төркеме рәистәше итеп сайланган. 2011 һәм 2013 елларда әлеге вазифага яңадан сайлана.
2018 елның 3 маенда җөмһүрият халык фиркасе (төр. Cumhuriyet Halk Partisi) тарафыннан Төркиядә 2018 елгы президент сайлауларында кандидат итеп күрсәтелгән[1]. Сайлау кампаниясенең шигаре — төр. Türkiye’ye güvence Muharrem İnce (Төркиягә гарантия — Мөхәррәм Инҗә).
Гаиләсе
үзгәртүӨйләнгән, хатыны Үлкү Инҗә (Ülkü İnce), улы Салих Арда Инҗә (Salih Arda İnce).
Китабы
үзгәртү- Buyurun sayin İnce. 2012
Сылтамалар
үзгәртү- Мөхәррәм Инҗә биографиясе. biyografi.info
- [1]
- Muharrem İnce. Türkiye Büyük Millet Meclisi Resmi İnternet Sitesi (Төркия Бөек Милләт Мәҗлесе рәсми сайты)
Искәрмәләр
үзгәртү- ↑ CHP’li İlhan Kesici: Adayımız Muharrem İnce. sozcu.com.tr, 03.05.2018