Мөнирә (мәчет, Уфа)
«Мөнирә» мәчете (баш. «Мөнирә» мәсете) ― Башкортстан башкаласы Уфа шәһәренең Ленин районы Нижегородка торак районында урнашкан ислам гыйбадәтханәсе (мәчет). Башкортстан мөселманнары Диния нәзарәтенә керүче «Мөнирә» җирле ислам оешмасы карамагында[1]. «Мөнирә» мәчете – Уфа шәһәренең бу өлешендә бердәнбер мәчет.
| Мәчет | |
.jpg) | |
| Ил | Россия |
| Шәһәр | 450003,  Башкортстан, Уфа, Ленин районы, Нижегородка, Заозерная ур., 2
|
| Координатлары | 54°43′42″; 55°54′30″ |
| Дин | Ислам |
| Кайсы дини агымга карый | сөнни ислам / хәнәфи мәзһәбе |
| Бина төре | манарасы түбәсендә урнашкан мәчет |
| Нигезләүче | Мөнирә Ләбиб кызы Байгилдина |
| Нигезләнгән | 2002 ел |
| Төзелеш еллары | 2002—2011 еллар |
| Төп даталар: 2011 ел – ачылу
| |
| Халәте | гамәлдә |
Тарих
үзгәртүОзын күл (Нижегородка күле) яр буенда төзелгән. «Мөнирә» мәчете «Уфа мөселман хатын-кызлары җәмгыяте» җирле иҗтимагый оешмасы рәисе[2] шәхси эшмәкәр Мөнирә Ләбиб кызы Байгилдинаның шәхси акчасына төзелгән. Авариядән соң, ул үзенә җәмгыять файдасына игелекле гамәлләр кылырга сүз бирә. «Мөнирә» мәчете бюджеты 30 млн. сум тәшкил иткән [3].
Мәчет бинасы 100 кешегә исәпләнгән. Мәчет проектының авторы – Үзәк диния нәзарәтенең җәмигъ мәчете Лалә-Тюльпанның архитекторы булган, Салават Юлаев премиясе лауреаты (1998) Вәкил Вәгыйз улы Дәүләтшин[4].
Мәчет төзелеше 2002 елда башланган һәм 2011 елда тәмамланган.
Мәчетне ачу тантанасы 2011 елның 10 июнендә булган. Ачылу тантанасында мәчет мәхәлләсе һәм «Уфаның мөселман хатын-кызлары җәмгыяте» әгъзалары катнашкан [5].
Ислам бәйрәмнәре көннәрендә биредә Нижегородка мөселманнары җыела. Мәчеттә ислам нигезләре буенча лекцияләр укыйлар, шулай ук кул эшләренә һәм кулинариягә өйрәтәләр. Мәчеттә модельерлар шәригать кануннары буенча тегелгән киемнәр күрсәтә.
«Урал» хәйрия фонды ярдәме белән Мөнирә мәчете янында балалар ялын оештыру өчен спорт (хоккей) мәйданчыгы төзелгән.
Имам-хатыйб – Нәҗип улы Морат хәзрәт Локманов[1].
Искәрмәләр
үзгәртү- ↑ 1,0 1,1 Местная мусульманская религиозная организация «Мунира» Ленинского района г. Уфы. Религии Башкортостана(рус.)
- ↑ Уфа мөселман хатын-кызлары җәмгыяте җирле иҗтимагый оешмасы
- ↑ Мунира Байгильдина – «Меценат года»(рус.)
- ↑ Лалә-Тюльпан мәчете ачылуга ун ел тулды.(үле сылтама) // Кызыл Таң
- ↑ Завершилось строительство нижегородской мечети «Мунира». Официальный сайт Администрации городского округа город Уфа, 10.06.2011(рус.)
Сылтамалар
үзгәртү- Уфа. Строится новая мечеть в стиле традиционной башкирской архитектуры. REGIONS.RU (2002-03-21). әлеге чыганактан 2022-04-08 архивланды. 2012-05-10 тикшерелгән.
- Завершилось строительство нижегородской мечети «Мунира». Ufacity.info (2011-06-10). әлеге чыганактан 2012-05-27 архивланды. 2012-05-10 тикшерелгән.