Мәсгут Шәрифуллин

Мәсгут Шәрифуллин, Мәсгут Гафиятулла улы Шәрифуллин (1928-1966) — язучы. 1962 елдан ССРБ язучылар берлеге әгъзасы.

Мәсгут Шәрифуллин
Файл:.jpg
Туган телдә исем	Мәсгут Гафиятулла улы Шәрифуллин (1928-1988)
Туган	18 февраль 1928(1928-02-18) БАССР Ярмәкәй районы Рәтамак авылы
Үлгән	17 апрель 1966(1966-04-17) (38 яшь) Казан
Милләт	татар
Ватандашлыгы	ССРБ ССРБ
Әлма-матер	Казан сынлы сәнгать укуханәсе
Һөнәре	рәссам-декоратор, язучы

Тәрҗемәи хәле

1928 елның 18 фералендә БАССР Ярмәкәй районы Рәтамак авылында туган. Туган авылындагы мәктәптә укый. Казан сәнгать училещесын, ССРБ язучылар берлеге каршындагы югары әдәби курсларны (1965) тәмамлаган. 1947-1952 елларда армиядә хезмәт итә.

Тормыш юлы

• Бөек Ватан сугышы елларында туган авылында күмәк хуҗалыкта эшли.
• Армиядә хезмәт итеп кайткач, Казанга килә. Автомат станоклар көйләүче булып эшли.
• Казан сәнгать училещесын тәмамлагач, Г. Камал исемендәге Татар дәүләт академия театрында рәссам-декорация куючы булып эшли.
• Казан телестудиясендә сәнгать цехы мөдире була.
• Мәскәүдә укып кайткач, ССРБ әдәби фондының Татарстан бүлеге директоры.

Иҗаты

М. Шәрифуллинның әдәби мирасы зур түгел. 1950-1960 еллардагы авыл тормышын сурәтләүче хикәяләр шәлкеме яза. «Еллар үткәч», «Җир хуҗасы» повестьлары, «Туганнар» пьесасы белән билгеле. «Туганнар» пьесасы Камал театрында куелган (1966).

Китаплары

1. Айлы төндә. Казан: ТКН, 1960.
2. Еллар үткәч. Казан: ТКН, 1964.
3. Серле язулар. Казан: ТКН, 1966.
4. Җир хуҗасы. Казан: ТКН, 1968.
5. Җир хуҗасы. Повестьлар. Казан: ТКН, 1978.
6. Спустя годы. Казань: ТКН, 1987.

Чыганаклар

1. Р.Н. Даутов, Н.Б. Нуруллина. Совет Татарстаны язучылары. Казан: ТКН, 1986.

Әдәбият

1. Ф. Миңнуллин. Тормыш һәм характерлар дөреслеге. Казан утлары, 1965 ел, № 11.
2. М. Шәрифуллинның тууына 50 ел. Казан утлары, 1978 ел, № 2.

Сылтамалар

• М.Г. Шәрифуллин «Милләттәшләр» сайтында