Мете Газоз (төр. Mete Gazoz; 1999 елның 8 июне, Истанбул, Төркия) — Төркиядән уктан атучы, Олимпия чемпионы, ике Олимпия уеннарында (2016, 2020) һәм дөнья Кубогы финалында катнашучы.

Мете Газоз
Туган 8 июнь 1999(1999-06-08) (24 яшь)
Истанбул, Төркия
Ватандашлыгы  Төркия
Һөнәре җәядән атучы

 Мете Газоз Викиҗыентыкта

Тормыш юлы үзгәртү

Газоз 1999 елның 8 июнендә туган. Бахчелиэвлерда Ihlas Kolej урта мәктәбендә укый[1].

Карьера үзгәртү

Газоз 2010 елда уктан ату белән шөгыльләнә башлаган. Аның халыкара дәрәҗәдә дебюты 2013 елда була[2].

Газоз 2013 елда Кытайның Уси шәһәрендә узган дөнья чемпионатында яшүсмерләр арасында команда турнирында көмеш медаль яулый. 2014 елда Нанкинда узган җәйге яшүсмерләр Олимпия уеннарында һәм 2015 елда Бакыда узган Европа уеннарында катнаша[3]. Шулай ук Копенгагенда узган 2015 елгы дөнья чемпионатында катнаша.

2015 елда Газоз Клагенфуртта узган яшүсмерләр арасында Европа Кубогында Cadet Олимпия уктан ату ярышларда көмеш медаль һәм Әнкарада узган уктан ату буенча дөнья чемпионатында команда зачетында тагын бер көмеш медаль яулый (2016)[4].

Газоз Төркияне Рио-де-Жанейродагы Олимпия уеннарында тәкъдим иткән. 2016 елның 8 августында Мете Газоз 1/32 финал стадиясендә Француз Пьер Плионны 6-5 исәбе белән җиңгән. 1/16 турның икенче матчында ул 3-7 исәбе белән голландияле Шеф ван ден Бергка оттырган.

2017 елда Росариода яшүсмерләр арасында уктан ату буенча дөнья чемпионатында яшүсмерләр ярышларында микстта бакыр медаль яулый. Газоз Ясемин Анагез белән бергә чыгыш ясаган.

Яшүсмерләр арасында шәхси беренчелектә 2018 елда Янктонда (Көньяк Дакот) штаты) узган дөнья чемпионатында көмеш медаль яулый[5].

2018 елда Таррагонада узган Урта диңгез уеннарында 70 метр дистанциягә атуда шәхси зачетта алтын медаль яулый[6].

Мете Газоз коронавирус пандемиясе аркасында 2020 елдан 2021 елга күчерелгән Олимпиадада икенче тапкыр катнашу хокукын яулый[7]. Шәхси турнир финалында, Лондон уеннары чемпионы италияле Мауро Несполины җиңеп, Олимпия алтынын яулый[8].

Искәрмәләр үзгәртү

  1. İhlas Koleji öğrencisi Mete Gazoz'dan büyük başarı! (Turkish) (2015-05-25). 8 март 2016 тикшерелде.
  2. Mete Gazoz. International Archery. әлеге чыганактан 2016-04-24 архивланды. 2016-03-08 тикшерелгән.
  3. 2014 Nanjing Yaz Gençlik Olimpiyat Oyunları. Türkiye Milli Olimpiyat Komitesi. әлеге чыганактан 2015-09-24 архивланды. 2016-03-08 тикшерелгән.
  4. World Archery Indoor Championships – 2016 Ankara, Turkey – Cpmplete Book. World Archery. әлеге чыганактан 2016-03-08 архивланды. 2016-03-08 тикшерелгән.
  5. Mete Gazoz dünya ikincisi oldu! (төр.) (2018-02-18). 29 май 2018 тикшерелде.
  6. ATHLETE PROFILE: GAZOZ Mete (en). Mediterranean Games. әлеге чыганактан 2018-07-02 архивланды. 2018-07-02 тикшерелгән.
  7. Mete Gazoz, Tokyo 2020'ye gidiyor.
  8. Турок Газоз завоевал золотую медаль Олимпийских игр в стрельбе из лука (2021-07-31).

Сылтамалар үзгәртү