Аксак Каратун
Аксак Каратун (Лука Конашевич, дөньяда Лаврентий Конашевич; 1758 елның 12 гыйнварында үлгән) — Рус православ чиркәве әрхәрәе.
| Аксак Каратун | |
|---|---|
 | |
| Туган телдә исем | Лаврентий Конашевич |
| Үлгән | 12 гыйнвар 1758 Белгород |
| Милләт | рус |
| Ватандашлыгы | Калып:Байрак/Русия империясе |
| Әлма-матер | Киев-Могилән академиясе[d] |
| Һөнәре | әрхәрәй |
1724 елда Киев рухи академиясен тәмамлый һәм шунда ук укытучы булып эшли башлый. 1725 елда Мәскәүдә Киев епархиясе стряпчие була. 1727 елдан Славян-грек-латыйн академиясе укытучысы. 1732 елда Санкт-Петербург кадет мәктәбенә чакыртыла, монда ул чуаш солдатларын чукындыруда катнаша. 1735 елда Симон монастырендә эшли. 1737 елда әрхәрәй Бөек Устюг һәм Усть-Вымь епархиясендә эшли.
1738 елда Казан епархиясенә күчерелә. Аның мондагы 17 елын күбесенчә начар яктан гына билгелиләр. Ул бик нык исламга каршы көрәшә, җирле халыкларны көчләп чукындыру белән шөгыльләнә. Аксак Каратун бик күп мәчетләрне җимертү белән, татарларны Казаннан кудыртырга маташу белән таныла. Татарларда ул тискәре сыйфатлы шәхес буларак кына искә алына.[1][2]
Исламга һәм рус булмаган халыкларга тискәре карашы аркасында аңа каршы бик күп жалобалар языла. Ә 1755 елда Батырша восстаниесе кабынып китә, бу күтәрелеш беренче чиратта башкорт җирләрен алу аркасында булса, икенче сәбәбе булып Аксак Каратун эшчәнлеге тора (Оренбург губернасы Казан епархиясенә кергән була).
Хөкүмәт инициативасы белән Синод 1755 елның 9 октябрендә Аксак Каратунны Белгородка җибәрә. Ул 1758 елда шунда үлә һәм Белгород чиркәвендә күмелә.
Тышкы сылтамалар
үзгәртү- Архипастыри Казанские 1555-2011 2014 елның 22 февраль көнендә архивланган.
Искәрмәләр
үзгәртү- ↑ Лука (Конашевич Лаврентий Кононович) Епископ Казанский и Свияжский с 9 марта 1738 года по 9 октября 1755 года., archived from the original on 2014-02-22, retrieved 2012-11-10
- ↑ Татарские исторические легенды. Аксак Каратун.