Лилия Фатыйхова

Фатыйхова Лилия Гарифулла кызы (3 гыйнвар 1954 ел) — эстрада артисты. 1975-2014 елларда Башкорт дәүләт филармониясенең нәфис сүз остасы. Башкортстан Республикасының халык артисты (2012).

Лилия Фатыйхова
Туган 3 гыйнвар 1954(1954-01-03) (67 яшь)
Солтанморат, Авыргазы райуны, Башкорт Автономияле Совет Социалистик Республикасы, РСФСР, СССР
Ватандашлыгы Flag of the Soviet Union.svg СССР
Flag of Russia.svg Россия
Әлма-матер Уфа дәүләт сәнгать институты
Һөнәре актёр

БиографиясеҮзгәртү

Лилия Гарифулла кызы Фатыйхова 1954 елның 3 гыйнварында Башкорт АССРның Авыргазы районы Солтанморат авылында туган.

«Сәнгатькә мәхәббәт миңа ата-анамнан килде, әтием заманында Авыргазы колхоз-совхоз театрында эшләгән. Өч яшемнән утыргычка басып шигырь сөйли идем. Артистлар белән аралашып үстем», — дип хәтерли бала чагын Лилия Фатыйхова. Урта мәктәпне тәмамлаганнан соң, Стәрлетамак культура агарту училищесында укый.

Уфа сәнгать училищесын тәмамлагач, Башкорт дәүләт академия драма театрында хезмәт эшчәнлеген башлый.

Аннары Лилия Фатыйхова озак еллар филармониядә эшли, үз сәләтен эстрадада ача. Яшь артист мәшһүр КәтүкӘхәт Уразмәтов җитәкчелегендә һөнәр серләренә төшенә.

Эстрада остасы буларак, күбесенчә юмористик һәм сатирик көлдергечләр сөйли, тамашачыны шунысы шатландыра, шунысы уйландыра.

ГаиләсеҮзгәртү

Тормыш иптәше виртуоз баянчы Халит Фатыйхов белән Илшат һәм Айнур исемле малай үстерә. Алар да сәнгать юлын сайлаган.

ИскәрмәләрҮзгәртү

Шулай ук карагызҮзгәртү

СылтамаларҮзгәртү

  • Фәтихова Лилия Гарифулла кызы // Башкорт энциклопедиясе — Уфа: «Башкорт энциклопедиясе» гыйльми-нәшрият комплексы, 2015—2020. — ISBN 978-5-88185-143-9.(Тикшерелгән 30 декабрь 2020)