Ландыш Әбүдәрова
Ландыш Әбүдәрова (ире фамилиясе буенча Фәизова, 1980 елның 12 ноябре) ― «Казан утлары» журналының җаваплы сәркатибе.
| Ландыш Әбүдәрова | |
|---|---|
 | |
| Туган телдә исем | Әбүдәрова Ландыш Роберт кызы |
| Туган | 12 ноябрь 1980 (44 яшь) СССР, РСФСР, ТАССР, Актаныш районы, Карт авылы |
| Белем | Казан дәүләт университетының Татар филологиясе һәм тарихы факультеты |
Тәрҗемәи хәле
үзгәртүӘбүдәрова Ландыш Роберт кызы 1980 елның 12 ноябрендә[1] Актаныш районы Карт авылында туа.
Татар Суыксуы урта мәктәбен тәмамлагач, Казан дәүләт университетының Татар филологиясе һәм тарихы факультетында белем ала.
Университетны тәмамлагач, 2003 елда Уфага күчеп китә. Анда «Кызыл таң» газетасында хәбәрче, бүлек мөхәррире булып эшли.
2010 елда Казанга кайтып, хезмәт юлын “Азатлык" радиосында дәвам итә. «Идел», «Сөембикә» журналларында бүлек мөхәррире вазифаларын башкара.
2019 нчы елның май аеннан “Казан утлары” журналының җаваплы сәркатибе.
Әдәби иҗатка студент елларында ук килә. Республика вакытлы матбугатында журналистик язмалары белән дә, шигырьләре һәм хикәяләре белән дә даими күренеп тора. Аның "Мандариннар", "Октябрь һәм бәләкәй тылсымчы" китаплары чыккан. 15 елга якын иҗат итә.
2020 елда Казан дәүләт университетында аспирантура тәмамлый.
Китаплары
үзгәртү- Октябрь һәм бәләкәй тылсымчы. (2019)
- Мандариннар. (2018)
Шәхси тормышы
үзгәртүИре Илдар белән ике кыз тәрбиялиләр: Зөлфия, Әдилә. Сухая Рекада үз йортлары белән яшиләр[2].
Искәрмәләр
үзгәртү- ↑ Ландыш Фаезова (Абударова). ВКонтакте
- ↑ Рузилә Мөхәммәтова. Марат Әхмәтов – язучыларга: «Урагын онытып калдырган уракчы Әминә кебек сөйләшәсез». Интертат, 5.04.2024
Чыганаклар
үзгәртү- "Казан утлары" журналы", №3, 2021ел.
- Ландыш Әбүдәрова. 2020 елның 29 июнь көнендә архивланган. Әдипләр
