Төп менюны ачу

Лада Дэнс (чын исем-фамилиясе Лада Евгений кызы Волкова, рус. Лада Евгеньевна Волкова, 1966 елның 11 сентябре, ССРБ, РСФСР, Калининград) — совет һәм РФ эстрада һәм джаз җырчысы, кино актрисасы.

Лада Дэнс
Тулы исеме

рус. Лада Евгеньевна Волкова

Туу көне

11 сентябрь 1966(1966-09-11) (53 яшь)

Туу урыны

ССРБ, РСФСР, Калининград

Эшчәнлек еллары

1988 — х. в.

Дәүләт

ССРБFlag of the Soviet Union.svg ССРБ
Русия байрагы РФ

Һөнәрләр

җырчы, актриса

Кораллар

тавыш[d]

Жанрлар

джаз, поп

Коллективлар

«Женсовет» төркеме

http://www.lada-dance.ru/

Тәрҗемәи хәлеҮзгәртү

1966 елның 11 сентябрендә Калининградта туган. Әтисе — мөһәндис, әнисе — чит телләр һәм сәнгать белгече. Калининградның 44нче санлы мәктәбендә укыган[1]. Кече яшьтән музыка белән шөгыльләнә. Туган шәһәрендә музыка мәктәбен һәм музыка укуханәсенең джаз-эстрада бүлеген тәмамлый. Уку елларында ук ресторанда җырлап акча эшли.

Зур сәхнәгә беренче адымны 1988 елда Юрмалада ясый: «Юрмала — 88» фестивалендә катнаша. Шунда танышкан Алина Витебская, Светлана Лазарева белән «Женсовет» вокал төркеме төзиләр, трио шактый уңыш казана[2]. «Женсовет» төркеме таркалгач, Филипп Киркоровка бэк-вокалчы булып урнаша, җырчы аңа үзенең программасында өч җыр җырларга рөхсәт итә.

1992 елдан үз концерт пограммаларын уздыра башлый. Беренче хит — альбомын («Девочка — ночь», тат. Кыз - төн) яздыра. 1994 елда Лев Лещенко белән дуэт яздыра. Диско стилендә эшләүче Алмания композиторларыннан (Меган Восс, Ральф Зигель, Альфонс Вайндорф) җырлар алып, русча текстлар яздыра. 1996 елда «Вкус любви» (Сөю тәме) альбомы чыга.

1996 елның декабрендә Playboy журналында эротик фотомодель буларак катнаша.

1997 елда Олег Лундстрем оркестры белән башкарган джаз һәм эстрада җырларыннан торган «Фантазии» (Хыяллар) альбомы чыга.

2000 еллардан үзен кинода сыный: сериалларда һәм телефильмнарда рольләр башкара.

ДискографияҮзгәртү

  • 1993 — Ночной альбом (Төнге альбом)
  • 1994 — Танцы у моря (Диңгез буенда бию)
  • 1995 — Самое новое — самое лучшее (Өр-яңасы — иң яхшысы)
  • 1996 — Вкус любви (Сөю тәме)
  • 1997 — Фантазии (Хыяллар)
  • 1997 — На островах любви (Сөю утрауларында)
  • 2000 — Когда цветут сады (Бакча чәчәк атканда)

Гаилә хәлеҮзгәртү

Беренче ире (1992 елдан) — композитор, продюсер Леонид Величковский (29.11.1965). 2004 елдан бизнес белән шөгыльләнә.
Икенче ире — бизнесмен Павел Свирский (14.07.1970). Балалары: уллары Илья (1997), кызлары Елизавета (1999) [3].

ӘдәбиятҮзгәртү

  1. Сентябрьдә кабынган йолдызлар. Лада Дэнс. «Сөембикә», 2016 ел, сентябрь, 63нче бит.

СылтамаларҮзгәртү

ИскәрмәләрҮзгәртү

  1. Калининградның 44нче санлы мәктәбендә җырчы Олег Газманов, Владимир Путинның булачак хатыны Людмила Шкребнева укыганнар.
  2. Лада Дэнс. Биография
  3. Лада Дэнс: биография, личная жизнь, семья, муж, дети