Көфер
(Кәфер битеннән юнәлтелде)
Көфер яки көферлек (гарәп. كفر, бор. төрк. tänmäklik[1]) – исламга тулысынча яки өлешчә каршылыкны, иманның антиподын билгеләүче ислам термины. Көферлек – бөтен гөнаһларның тамыры, аны (тәүбә итмичә) кыла торган кеше кәфер (бор. төрк. tanġan (~таңган)[2][3]) дип атала. Көфернең бер төре - ширек.
| Көфер | |
| гарәп. كُفْرٌ | |
 | |
| Төп тема | Гакыйдә |
|---|---|
| Хезмәтләндерүче | Көфер[d] |
| Тәэсир итешә | Qlapsk Islam[d] |
| Нәрсәгә тоташа | dhalal[d], Ширек һәм гафля[d] |
| URL буенча карарга була | corpus.quran.com/qurandictionary.jsp?q=kfr һәм qurananalysis.com/?q=كفر |
| Һәштәге | Kufr |
| Нинди вики-проектка керә | ислам |
| Моңа өлешчә туры килә | такфир[d] |
 Көфер Викиҗыентыкта | |
«Көферлек» («Көфер») сүзенең тамыры: «К+Ф+Р» (ك+ف+ر), сүз «КәФәРа» (гарәп. كَفَرَ - 1)яшерү, каплау, томалау; 2) рәхмәтсез булу 3) ышанмау) фигыленнән ясалган[4].
Көферлек төрләре
үзгәртүКөферлек зур һәм кече көферлеккә бүленә[4]. Зур көферлек белән кече көферлек арасында нигездә 4 аерма бар:
- Зур көферлек иманга, тәүхидкә тулысынча каршылык булып тора, ә кече көферлек - иманның тулылыгына.
- Зур көферлек бөтен яхшы гамәлләрне юк итә һәм кешене исламнан чыгара, ә кече көферлек исламнан чыгармый, зур гөнаһка тиңдәш.
- Зур көферлек, әгәр кеше тәүбә итмәсә, Аллаһ тарафыннан гафу ителми, ә кече көферлекне Ул гафу итәргә мөмкин.
- Зур көферлек кешене мәңгегә тәмугка илтә, ә кече көферлек каты җәзага сәбәп булып тора.
Имам ибн әл-Каййим зур көферлекне биш төргә бүлә:
- Куфр әт-тәкзиб (гарәп. كُفْرُ التَكْذِيب) - пәйгамбәрләрне ялганда гаепләү, аларны ялганчылар дип санау белән бәйле көферлек.
- Куфр әл-истикбар (гарәп. كُفْرُ الإِسْتِكْبَار) - тәкәбберлек белән бәйле көферлек; исламның хаклыгына инану, ләкин аны кабул итмәү.
- Куфр әл-иград (гарәп. كُفْرُ الإِعْرَاض) - исламны тулысынча игнорлау, исәпкә алмауга нигезләнгән көферлек; пәйгамбәрдән (салләллаһу галәйһи үәссәләм) тулысынча читкә борылу (аның миссиясе турында хак дип тә, ялган дип тә әйтмәү).
- Куфр әш-шәкк (гарәп. كُفْرُ الشَّكّ) - исламның хаклыгында шикләнүгә нигезләнгән көферлек.
- Куфр ән-нифак (гарәп. كُفْرُ النِفَاق) - икейөзлелек-нифакка нигезләнгән көферлек; тыштан мөселман булу, ләкин эчтән исламга көферлек күрсәтү.
Искәрмәләр
үзгәртү- ↑ https://www.google.de/books/edition/A_Dictionary_of_Early_Middle_Turkic/roCjEAAAQBAJ?hl=ru&gbpv=1&dq=A+Dictionary+of+Early+Middle+Turkic+-+Hendrik+Boeschoten+-+2022&printsec=frontcover
- ↑ https://www.google.de/books/edition/A_Dictionary_of_Early_Middle_Turkic/roCjEAAAQBAJ?hl=ru&gbpv=1&dq=A+Dictionary+of+Early+Middle+Turkic+-+Hendrik+Boeschoten+-+2022&printsec=frontcover
- ↑ керәшен сөйләмендә «таҥ-» тамыры булып сакланган
- ↑ 4,0 4,1 http://www.whyislam.ru/index/main/neverie.htm(үле сылтама)
