Күгәрчен вулысы

Күгәрчен вулысы (рус. Кугарчинская волость) — 1920 елдан 1927 елга кадәр гамәлдә булган Татарстан АССРның юк ителгән административ-территориаль берәмлеге. Балык Бистәсеннән Төньяк-Көнчыгышка 23 чакрым ераклыкта, Татарстанның үзәк өлешендә урнашкан. Административ үзәк - Күгәрчен авылы.

Күгәрчен вулысы

Ил	СССР
Статус	Вулыс
Җөмһүрият	Татарстан АССР
Административ үзәк	Күгәрчен
Нигезләү датасы	1920 елның 25 июне
Юкка чыгару датасы	1927 елның 14 феврале
Рәсми телләр	татар, рус
Халык саны  (1926)	21 799 кеше
Милли состав	татарлар, руслар

Тарих

Күгәрчен вулысы территориясе 1552 елга кадәр Казан ханлыгының Ногай һәм Чуаш даругаларында, 1552 елдан 1708 елга кадәр Россия патшалыгының Казан патшалыгы Ногай һәм Җөри даругаларында, 1708 елдан 1719 елга кадәр Казан губернасының Казан өязе Ногай һәм Җөри даругаларында, 1719 елдан 1775 елга кадәр Казан губернасының Казан провинциясе Казан өязе Ногай һәм Җөри даругаларында, 1775 елдан 1781 елга кадәр Казан губернасы Казан өязе Ногай һәм Җөри даругаларында, 1781 елдан 1796 елга кадәр Казан наместниклыгының Лаеш өязендә, 1796 елдан 1920 елга кадәр яңадан Казан губернасының Лаеш өязендә урнашкан.

1920 елның 25 июнендә Лаеш кантонының административ-территориаль берәмлеге буларак барлыкка килә.

1924 елда Күгәрчен вулысына бетерелгән Уракчы вулысы территориясенең бер өлеше кушыла.

1927 елның 14 февралендә «Татарстан Автономияле Совет Социалистик Республикасы административ бүленешендә үзгәреш турында» Бөтенроссия Үзәк Башкарма комитеты Президиумы карары белән Күгәрчен вулысының торак пунктлары Балык Бистәсе районына тапшырыла.

Административ бүленеш

1926 елның 1 гыйнварына Күгәрчен вулысында 17 авыл советы, 27 торак пункты һәм 4503 йорт хуҗалыгы булган. Вулыс мәйданы 583 км² тәшкил иткән.

Халык

1926 елда халык саны 21799 кеше тәшкил иткән. Төп милләтләр: татарлар, руслар.

Шулай ук карагыз

• Лаеш өязе
• Лаеш кантоны
• Балык Бистәсе районы

Сылтамалар

• http://www.millattashlar.ru/index.php/КҮГӘРЧЕН_(Голубь)
• http://history.org.ua/LiberUA/TerAdmPodSSSR_1926/TerAdmPodSSSR_1926.pdf

Чыганаклар

1. Татар энциклопедия сүзлеге (Татарский энциклопедический словарь, на татарском языке) / Гл. ред. М.Х. Хасанов; Отв. ред. Г.С. Сабирзянов. - Казань: Институт Татарской энциклопедии АН РТ, 2002. - 830 с.: ил. ISBN 5-902375-01-0
2. Татар энциклопедиясе : 6 томда / баш мөхәррир М. Х. Хәсәнов. - Казан : Татар энциклопедиясе институты, 2008-. - 27 см.; ISBN 978-5-902375-04-5
3. Территориальное и административное деление Союза ССР на 1-е января 1926 года //Народный Комиссариат Внутренних дел. Статистический отдел. - Москва: Издательство Главного Управления Коммунального Хозяйства НКВД, 1926. - 288 стр.