Kim Ki Duk
Kim Ki Duk (kor. 김기덕; 1960 yılnıñ 20 dekäbere, Koreya Respublikası, Köñsañ-Pukto[en], Poñhwa[en] — 2020 yılnıñ 11 dekäbere, Latviä, Riga) — Könyaq Koreya kinorejissörı. «Pyeta[en]» trillerı öçen Venetsiä kinofestivaleneñ «Altın arıslan[en]» iäse.
| Kim Ki Duk kor. 김기덕 | |
.jpg) | |
| Tuu datası | |
|---|---|
| Tuu urını | |
| Ülem datası |
11 dekäber 2020 (59 yäş) |
| Ülem urını | |
| Watandaşlıq | |
| Eşçänlek töre | |
| Büläklär |
|
| IMDb | |
_ribbon.PNG){kind=small}
Biografiäse
үзгәртүKim Ki Duk 1960 yılnıñ 20 dekäberendä Könyak Koreyanıñ Köñsañ-Pukto[en] provinsiäseneñ Poñhwa öyäzendä tuğan. Tizdän Kim Ki Duknıñ ğailäse Seulğa küçep kitkän, anda anı awıl xucalığı mäktäbenä birgännär, anda uqıp betermiçä, uncide yäşendä ul zavodqa eşkä urnaşqan. Yegerme yäşendä armiägä kitkän, anda biş yıl diñgez pexotasında xezmät itkän, annarı suqırlar öçen çirkäwdä ike yıl ütkärgän, ruxani bulırğa niätlägän. Bu çorda anıñ räsem sänğäte belän küptänge mawığuwı köçäygän, häm ul Parijğa kitkän, anda 1990—1992 yıllarda näfis sänğätne öyrängän. 1993 yılda Kim Ki Duk «Rässam häm ülemgä xökem itelgän cinäyätçe» filmına iñ yaxşı ssenariy öçen Ssenaristlar institutı (Educational Institute of Screenwriting) bülägen alğan. Berniqädär waqıt ul Awrupa buylap säyäxät itkän häm rässam bularaq kürgäzmälären quyğan. Ssenariy öçen tağın ike büläktän soñ anıñ rejissörlıq debütı bulğan — «Krokodil» filmı (1996). Annan soñ «Qırğıy xaywannar» (1996), «„Qoş çitlege“ otele» (1998) filmnarı häm «Real’ uydırma» (2000) eksperimental’ filmı (un kinokamera tarafınnan nibarı 200 minut eçendä töşerelgän) kilgän.
Üzeneñ kinokaryerasınıñ berençe tuğız yılında Kim Ki Duk 13 film töşergän.
Kim Ki Duk 2019 yılnıñ 18—25 aprelendä uzğan 41-nçe Mäskäw xalıqara kinofestivaleneñ töp konkursı jürisın citäklägän. Festival’ qısalarında anıñ «Keşe, fäza, waqıt häm tağın keşe» filmı kürsätelgän[1].
2019 yılnıñ noyäberendä Kim Ki Duk IV Soçi xalıqara kinofestivaleneñ töp konkursı jüri räise bulğan. Ul waqıtta kinorejissör anıñ kiläse filmın töşerü Räsäy territoriäsendä uzaçaq dip anonslağan[2].
2020 yılnıñ 11 dekäberenä qarşı töndä, 60 yäşlek yubileyına nibarı 9 kön qala, Riga xastaxanäsendä COVID-19 koronavirus infeksiäse kiterep çığarğan qatlawlanulardan wafat bulğan[3]. MMÇ mäğlümatları buyınça, noyäberdän rejissör Latviädä bulğan, anda küçemsez milek satıp alırğa häm yäşäwgä röxsät räsmiläşterergä planlaştırğan[4][5].
Seksual’ köçläwdä ğäyepläwlär
үзгәртү2017 yılda anonim aktrisa tarafınnan «Möbius» filmında seks küreneşendä töşärgä mäcbür itüdä ğäyeplängän, yänäse aktrisa moña rizalıq birmägän[6]. «Möbius»nı töşergändä insident öçen rejissörnı 2017 yılnıñ dekäberendä 4 450 AQŞ dollarına tiñ külämdä ştrafqa xökem itkännär[7]. 2018 yılda tağın öç xatın-qız anı seksual’ köçläwdä ğäyeplägän[8][9][10]. Rejissör yalğan ğäyepläwlär häm diffamatsiä[en] turındağı qarşı däğwalar belän çığış yasağan[11].
2019 yılnıñ ğinwarında Seul Üzäk prokuraturası Kim Ki Duknıñ aktrisalarğa qarata däğwasın kire qaqqan, ğäyepläwlärneñ yalğan buluwına dälillär bulmawğa sıltama yasap[12].
Büläkläre
үзгәртү- 2012 — «Altın arıslan[en]», 69-nçı Venetsiä kinofestivaleneñ töp büläge
- 2005 — San-Sebastyan xalıqara kinofestivaleneñ büläge
- 2004 — Venetsiä kinofestivaleneñ dürt büläge
- 2004 — Valyadolid xalıqara kinofestivaleneñ «Altın başağı»
- 2004 — iñ yaxşı rejissura öçen Berlin xalıqara kinofestivaleneñ[en] «Kömeş ayuwı[de]»
«Yaz, cäy, köz, qış... häm tağın yaz[en]»
- 2005 — ispan telendä bulmağan iñ yaxşı çit il filmı öçen Argentina kino tänqitçeläre assotsiatsiäseneñ «Altın kondorı»
- 2003 — Lokarno xalıqara kinofestivaleneñ dürt büläge
- 2003 — San-Sebastyan xalıqara kinofestivaleneñ tamaşaçılar simpatiäse büläge
- 2003 — Karlovı-Varı xalıqara kinofestivaleneñ öç büläge
- 2002 — Kataloniä xalıqara kinofestivaleneñ «Könçığış ekspress» büläge
- 2002 — Fukuokadağı Aziä kinofestivaleneñ gran-prisı
- 2002 — Zur Qıñğıraw büläge (Koreya Respublikası)
- 2002 — Cinema Novo kinofestivaleneñ yäş jüridan Amakourou büläge (Belgiä)
- 2001 — iñ yaxşı filmı öçen Brüssel fantastik filmnar kinofestivaleneñ[en] «Altın Qarğa» büläge
- 2001 — Portu xalıqara kinofestivaleneñ ike büläge
- 2001 — Mäskäw xalıqara kinofestivale jürisınıñ maxsus büläge
- 2000 — Venetsiä xalıqara kinofestivaleneñ NETPAC büläge
İskärmälär
үзгәртү- ↑ ЧЕЛОВЕК, ПРОСТРАНСТВО, ВРЕМЯ И СНОВА ЧЕЛОВЕК. сайт ММКФ.
- ↑ "У меня много планов в России": Ким Ки Дук – о том, почему хочет снимать в Москве и Сочи (2019-11-21). әлеге чыганактан 2020-07-16 архивланды. 2025-01-04 тикшерелгән.
- ↑ В Латвии от COVID-19 умер корейский режиссер Ким Ки Дук (2020-12-11).
- ↑ В Латвии от коронавируса умер режиссер Ким Ки Дук. 2020-12-11 тикшерелгән.
- ↑ Южнокорейский режиссер Ким Ки Дук скончался от Covid-19 в Латвии 2020 елның 11 декабрь көнендә архивланган. // Русская служба Би-би-си, 11 декабря 2020
- ↑ South Korean Director Kim Ki-duk Sued for Alleged Violence on Set, Adding Unscripted Sex Scene. 2017-08-03 тикшерелгән.
- ↑ Patrick Frater (2017-12-07). Director Kim Ki-duk to Be Fined in Actress Assault Case (Report).
- ↑ Hyo-won, Lee (2018-03-06). South Korean Director Kim Ki-duk Sued for Alleged Violence on Set, Adding Unscripted Sex Scene.
- ↑ Rose, Steve (2018-03-07). Three women accuse Korean director Kim Ki-duk of rape and assault.
- ↑ Director Kim Ki-duk faces more sexual abuse allegations. Yonhap News (2018-03-09).
- ↑ Eun-byel, Im (2018-06-13). Kim Ki-duk fires back at accusers. The Korea Herald.
- ↑ Kil, Sonia (2019-01-04). Court Dismisses Kim Ki-duk Case Against Actress, TV Show. Korea Herald.
Sıltamalar
үзгәртү- Internet Movie Database сайтында Kim Ki-duk(ингл.).
- Kim Ki-Duk: the past, the persistent problems and the near future 2012 елның 27 июнь көнендә архивланган. About Kim Ki-Duk's 2006 controversial declarations
- Review of Kim Ki-duk's Time 2012 елның 28 апрель көнендә архивланган.
- Working Biography