Карабодай

Карабодай (лат. Fagópyrum) — карабодайлылар гаиләсеннән булган үсемлек. Аксымга, Р һәм В витаминнарына бай. Шулай ук составында кальций, фосфор, тимер кебек микроэлементлар, алма һәм лимун кислоталары бар. Андагы фолий кислотасы исә организмның каршы торучанлыгын арттыра.

Карабодай
Fagopyrum esculentum2.jpg
Халыкара фәнни исем Fagopyrum Mill., 1754
Таксономик ранг ыру
Югарырак таксон Polygonoideae[d]
Таксонның халык атамасы buckwheat[1] һәм Boekweit[2]
Җимеш төре чикләвекчек[d]
GRIN URL npgsweb.ars-grin.gov/gringlobal/taxonomygenus.aspx?id=4602[3]
Commons-logo.svg Fagopyrum Викиҗыентыкта

Һиндстанның таулы районнарында барлыкка килгән карабодайны чама тойгысын белми торган культура дияргә мөмкин. Ул көзнең соңгы көннәренә кадәр тармаклана һәм, тәүге бөртекләрнең җитлегүен кайгыртмыйча, чәчкә ата. Шуңа күрә галимнәр аның мондый холкын үзгәртү юлларын эзли. Башкортстанның Авыл хуҗалыгы фәнни-тикшеренү институты галимнәре аның тары кебек бер чуклы сортын чыгару өстендә зур эш башкарды.

Күбрәк диетик ризык буларак билгеле. Шуңа да суга пешерелгән карабодай боткасын шикәр чиреннән, артык юанлыктан интегүчеләргә киңәш ителә. Мондый ботка кан тамырларын ныгыта, организмнан шлакларны, башка төр зарарлы матдәләрне, шул исәптән артык суны чыгара. Шуны да әйтергә кирәк: карабодайда минераль матдәләр күп, әмма витаминнар аз.

Карабодай гадәттә июнь-июль айларында чәчәк ата.

СылтамаларҮзгәртү


  1. АКШ авыл хуҗалыгы министрлыгының үсемлекләр базасы
  2. Nederlands Soortenregister
  3. GRIN үсемлекләр таксономиясе