Каенлык (Комсомол районы)
Каенлык (рус. Кайнлык) – Чуашстанның Комсомол районындагы татар авылы. Ул район үзәгеннән 12 км ераклыкта урнашкан. Авылда 78 йортта 296 кеше яши.
| Каенлык | |
|---|---|
 | |
| Ил | Русия |
| Җөмһүрият | Чуашия |
| Район | Комсомол районы |
| Координатлар | 55°18'тн, 47°35'кнч |
| Нигезләнгән | 1923 |
| Беренче телгә алу | 1923 |
| Халык саны | 296[1] кеше |
| Милли состав | татарлар |
| Дини состав | мөселман-сөнниләр |
| Сәгать кушагы | UTC+3 |
| Телефон коды | 83539 |
| Почта индексы | 429147 |
Халык саны — 296 кеше булып, барысын да татарлар тәшкил итә[2].
Тарих үзгәртү
Авыл 23 августта 1929 елда төзелә башлаган[3]. Монда беренчеләрдән булып «Алим бабай» Урмай авылыннан күчеп килгән. Аның белән бергә тагын берничә гаилә килеп йорт салганнар. Шулай итеп Каенлык авылы туган. Авылдагы кизләүне дә Алим бабай тапкан. Бүгенге көндә дә авыл халкы һәр көн шушы чишмәгә су алырга йөриләр. Алар чебен-черкидән куркып авыл тирәсенә каен утыртабыз диеп уйлаганнар. Бүгенге көндә дә авыл каен агачына бик бай булмаса да, Каенлык исемен тота.
Табигать үзгәртү
Авыл бик матур урында урнашкан, тирә-якта ерак түгел күрше авыллары бар.
Починок-Быбыть белән ике арада "Чыбыклык” күле тора. Тагын бер күл, элек аны әбиләр "Фазыл” күле дигәннәр, ул авылдан бераз ерак, көнбатыш ягында. Үз вакытында бик матур, иң тирән күл булган. Кызганычка каршы, ул хәзер кипкән, анда булган балыклар да үлеп беткәннәр.
Иске Сендер белән "Сендер” тавы аралаштыра.
Җәмгыяви өлкә үзгәртү
Һәр өйдә газ, телефон кергән, суы кергән, суы чыккан. Кечкенә генә булса да авылда ике кибет, клуб бинасы, башлангыч мәктәп, мәчете бар.
Искәрмәләр үзгәртү
- ↑ Чабаксар шәһәре сайты
- ↑ 2002 ел сан алу базасы, archived from the original on 2018-06-15, retrieved 2015-05-14
- ↑ Каенлыгым-куанычым,Тиңдәшсез гүзәл ягым!". Бедертдинов Илнас.