Wikipedia

Илһам Шакиров исемендәге концертлар залы (Казан)

Илһам Шакиров исемендәге концертлар залы (рус. Концертный зал имени Ильгама Шакирова) — 2019 елның 26 апрелендә Казанның «Казан Экспо» халыкара күргәзмә үзәгендә ачылган мәдәният оешмасы. РСФСР халык артисты җырчы Илһам Шакиров (1935 —2019) исемен мәңгеләштерү максатында ачылган.

концертлар залы
Илһам Шакиров исемендәге концертлар залы
Шәһәр Казан
Төзелеш 2018—2019 еллар
Сайт worldskills2019
Portal icon Мәдәният порталы

Тарих

үзгәртү

Яңа төзелгән концерт залына җырчы Илһам Шакиров исемен бирү турында 2019 елның 18 гыйнварында артист белән хушлашу мәрасимендә Татарстан Республикасы Президенты Рөстәм Миңнеханов әйтә.

Ачылу тантанасы

үзгәртү

Концертлар залы Габдулла Тукайның тууына 133 ел тулуны билгеләп үткәрелгән Туган көн бәйрәменә туры китереп ачыла. Залда узган беренче рәсми чара — 2019 елгы Татарстан Республикасының Габдулла Тукай исемендәге дәүләт премиясе лауреатларын бүләкләү.

Концертлар залын ачуда Татарстан Президенты Р. Н. Миңнеханов катнаша [1].

Тасвирлама

үзгәртү

Илһам Шакиров исемендәге концертлар залы «Казан Экспо» Халыкара күргәзмә үзәге территориясендә, Габдулла Тукай исемендәге Казан Халыкара Аэропортына, шулай ук WorldSkills чемпионаты узачак территориягә якын урнашкан[2].

Концертлар залының мәйданы — 3 348,75 кв. м. Залда барлыгы 3 187 урын, шул исәптән мөстәкыйль хәрәкәтләнә алмаучы (сәламәтлек мөмкинлекләре чикле) тамашачылар өчен 33 урын, каралган. Зур залны 2971, 2405, 2189, 1745, 1529, 1145, 910 урынлык итеп үзгәртеп була. Биредә кием алмаштыру, сәхнәгә чыгарга чират көтү, синхрон тәрҗемә, гримерка, репетиция ясау бүлмәләре каралган. Диварларын һәм түшәмен бизәүдә Decoustic акустик панельләоре кулланылган[3].

Сылтамалар

үзгәртү

Искәрмәләр

үзгәртү
  1. ↑ Президент Татарстана Рустам Минниханов открыл на «Казань Экспо» концертный зал им. Шакирова. «БИЗНЕС Online», 26.04.2019(рус.)
  2. ↑ Казанда 2019 елда WorldSkills стандартлары нигезендә һөнәри осталык буенча узачак дөнья чемпионатының рәсми сайты
  3. ↑ Илһам Шакиров исемендәге концертлар залын халыкка тәкъдим иттеләр 2019 елның 26 апрель көнендә архивланган.. intertat.tatar, 26.04.2019
Чыганак — https://tt.wikipedia.org/w/index.php?title=Илһам_Шакиров_исемендәге_концертлар_залы_(Казан)&oldid=3572541