Денискино
Денискино (Денис авылы; рус. Денискино) — Самара өлкәсенең Шонталы районындагы авыл, Денискино авыл җирлегенең административ үзәге.
Денискино | |
---|---|
Ил | Россия |
Өлкә | Самар өлкәсе |
Район | Шонталы районы |
Координатлар | 54°28'38.3"тн, 51°36'53.9"кнч |
Нигезләнгән | 1730 |
Беренче телгә алу | 1850 |
Халык саны | 1128 кеше |
Милли состав | татарлар |
Дини состав | сөнни мөселманнар |
Сәгать кушагы | UTC+3 |
Русча атамасы | Денискино |
Географиясе үзгәртү
Авыл район үзәге Шонталы станциясеннән төньяк-көнчыгышка таба якынча 9 километр ераклыкта урнашкан (туры сызык буенча).
Тарихы үзгәртү
Татарлар авыл җирлеге территориясенә XVII йөз ахырында – XVIII йөз башында урнаша башлыйлар. Яңа Кама аръягы саклану сызыгы төзелү белән бәйле рәвештә күчеп килүчеләр агымы 1730 елларда көчәя. Бу чорда Денискино авылына нигез салына.[1] Рәсми рәвештә 1850 елдан бирле телгә алына.[2]
1917 елга авылда 1000нән артык хуҗалык, дүрт мәчет һәм мәдрәсә булган.[1]
Халык саны үзгәртү
2002 елда авылда 1341 (99% татарлар),[3] 2010 елда 1128 кеше яшәгән.[4]
Шәхесләр үзгәртү
- Ф. М. Әхмәтвәлиев — генерал‑майор.
- Минсәгыйть Вәлиуллин — мактаулы нефтьче.
Дин үзгәртү
Бүгенге көндә Денискино авылында ике мәчет эшли. XX гасыр башында исә 4 мәчет һәм мәдрәсә эшләп килгән.[1][5]
1910-елларда төзелгән мәчет бүгенгә кадәр хезмәт күрсәтә. Аның ишекләре советлар чорында да ябылмаган.[5]
Мәдәният үзгәртү
Хәзерге вакытта авылда «Тамчы», «Чишмә», «Чулпан» (халык исемен йөртә) фольклор ансамбльләре һәм «Мизгел» балалар ансамбле эшли. Ел сан Сабан туе үткәрелә.[1]
2010 елда авыл мәктәбенең бер кабинетында ислам музее ачыла.[5]
Мәгариф үзгәртү
Денискино авылында урта мәктәп эшли, татар теле предмет буларак укытыла.[1]