Давид Алаба

Давид Олатокунбо Алаба (алман. David Olatokunbo Alaba; 1992 елның 24 июне, Вена, Австрия) — Австрия футболчысы, «Реал Мадрид» клубы һәм Австрия җыелма командасы сакчысы.

Давид Алаба
20180610 FIFA Friendly Match Austria vs. Brazil David Alaba 850 1632.jpg
Туган телдә исем алман. David Alaba
Туган 24 июнь 1992(1992-06-24)[1][2][3][…] (30 яшь)
Вена, Австрия[4]
Ватандашлыгы Flag of Austria.svg Австрия
Һөнәре футболчы
Ата-ана
Кардәшләр Rose Alaba[d]
Спорт такымы әгъзасы Аустрия[d][1], Бавария[d][1], Бавария[1], Һоффенһайм[d][1], Реал Мадрид, Сборная Австрии по футболу (до 17 лет)[d], Юношеская сборная Австрии по футболу (до 19 лет)[d], молодёжная сборная Австрии по футболу[d] һәм Аустрия милли аяк тубы җыелмасы[d]

Commons-logo.svg Давид Алаба Викиҗыентыкта

Тормыш юлыҮзгәртү

Давид Алаба 1992 елның 24 июнендә Вена шәһәрендә шәфкать туташы һәм диджей гаиләсендә туа[5]. Чыгышы буенча афроазиат, аның әнисе Джина — филипин, ә әтисе Джордж — нигерияле. Шулай ук футболчының апасы бар. Тугыз яшендә үзенең туган районында урнашкан «Асперн» футбол клубы академиясенә тапшырыла. Соңрак «Аустрия» скаутлары аны билгеләп үтәләр һәм үз академиясенә алалар[6]/

КарьераҮзгәртү

Клуб карьерасыҮзгәртү

 
Австрия яшьләр җыелма командасы составында

Алты ел дәвамында Вена командасының төрле балалар һәм яшүсмерләр төркемнәре өчен чыгыш ясаган. «Аустрия»нең резерв составы өчен 5 матч үткәреп, 2008 елның җәендә Давид Мюнхенның «Бавария»сына күчә. 2009/10 сезонында Алаба беренче тапкыр Мюнхенның резерв командасы составына керә. Аның составында 2009 елның августында Дрезденның «Динамо»сына каршы өченче лига матчында дебют ясый. Шул ук елның 29 августында Давид «Бавария» резервчылары составында беренче голын кертә. Шул ук вакытта Алабаның Чемпионнар лигасында катнашу өчен төп командага кертелүе турында игълан ителә.

10 февральдә Алаба, Алмания Кубогы матчның 59 нчы минутында Кристиан Лелляны алыштырып, «Бавария»ның төп составы өчен дебют ясый. Бер минуттан соң ук Давид Франк Риберига пас бирә һәм Франк җиңү голын кертә. Алаба рәсми матчларда «Бавария»ның иң яшь уенчысы була. Ул вакытта аңа 17 яшь, 7 ай һәм 8 көн була. 6 мартта «Кельн»га каршы 25 тур матчында 73 нче минутта Диего Контентны алыштырып, Бундеслигада дебют ясый[7]. 3 көннән соң Алаба Чемпионнар лигасында үзенең беренче матчын уйный[8].

2011 елның 10 июнендә «Бавария» уенчы белән 2015 елга кадәр яңа контракт төзегән[9]. 2013 елның 2 апрелендә «Ювентус»ка каршы матчта Давид Чемпионнар лигасы тарихында иң тиз голларның берсен кертә. Ул матчның 25 нче секундында гол кертә.

Җыелма командадаҮзгәртү

Давид Алаба 2009 елның 14 октябрендә Австрия җыелма командасы составында 2010 елгы Дөнья чемпионатына сайлап алу циклы матчында Франция җыелма командасына каршы матчта дебют ясый, Кристиан Фукс урынына 79 нчы минутта алмашка чыккан[10].

КазанышларҮзгәртү

КомандаҮзгәртү

  «Бавария»

  • Алмания чемпионы (10): 2009/10, 2012/13, 2013/14, 2014/15, 2015/16, 2016/17, 2017/18, 2018/19, 2019/20, 2020/21
  • Алмания Кубогы иясе (6): 2009/10, 2012/13, 2013/14, 2015/16, 2018/19, 2019/20
  • Алмания Суперкубогы иясе (6): 2010, 2012, 2016, 2017, 2018, 2020
  • Чемпионнар лигасы җиңүчесе (2): 2012/13, 2019/20
  • УЕФА Суперкубогы иясе (2): 2013, 2020
  • Клуб дөнья чемпионаты җиңүчесе (2): 2013, 2020

  «Реал Мадрид»

  • Испания Суперкубогы иясе: 2021/22

ШәхсиҮзгәртү

  • Австриядә ел футболчысы (8): 2011, 2012, 2013, 2014, 2015, 2016, 2020, 2021
  • УЕФА ел командасы составына кергән (3): 2013, 2014, 2015
  • Алмания чемпионатының символик җыелма командасы составына кергән (2): 2014/15, 2015/16

ИскәрмәләрҮзгәртү

  1. 1,0 1,1 1,2 1,3 1,4 Transfermarkt.com — 2000.
  2. FBref.com
  3. Base de Datos del Futbol Argentino
  4. 4,0 4,1 Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #1147910200 // Gemeinsame Normdatei — 2012—2016.
  5. Ich will es bis zu den Bayern-Profis schaffen!, archived from the original on 2008-09-15, retrieved 2022-04-26 
  6. Jugend-TOTO-Cup: David Alaba im Porträt (de). planetlinz.tv (2008-08-29).
  7. «Кёльн» 1:1 «Бавария» 2010 елның 12 апрель көнендә архивланган.(рус.)
  8. «Фиорентина» 3:2 «Бавария», archived from the original on 2010-05-07, retrieved 2022-04-26 
  9. David Alaba verlängert Vertrag vorzeitig bis 2015
  10. Франция 3:1 Австрия(үле сылтама)