Всеволод Скотников
Всеволод Антонович Скотников (2001 елның 28 сентябре, Казан, Россия) — Россия хоккейчысы, капкачы. КХЛда чыгыш ясаучы ЦСКА хоккей клубы системасы уенчысы.
| Всеволод Скотников | |
|---|---|
| Туган | 28 сентябрь 2001 (23 яшь) Казан, Россия |
| Ватандашлыгы |  Россия |
| Һөнәре | алкалы һоккей уйнаучы |
Карьера
үзгәртүВсеволод Скотников 2001 елның 28 сентябрендә Казанда туа. Туган шәһәрендә хоккей белән шөгыльләнә башлый. «Ак Бүре» беренче спорт мәктәбендә Всеволод төп капкачы була. Бер елдан соң Всеволодны «Ак Барс» мәктәбенә чакыралар, аның составында яшь хоккейчы Идел буе Беренчелеге дәрәҗәсендә чыгыш ясый башлый. ЦСКА өчен уйнау Скотниковның хыялы була, һәм ул ЦСКА командасы «Ак Барс» мәктәбе белән трансферның барлык шартларын килештергәч тормышка аша. Тик беренче елда ук Всеволод җитди җәрәхәт алган. Матчларның берсендә көчле чиртү битлекне җимерә, аның кыйпылчыклары күздән миллиметрларда уза. Берничә ай дәвамында ул вакытта 14 яшьлек капкачы хастаханәдә үткәргән һәм киләсе сезоннан гына тулысынча уйный башлаган[1]. Акрынлап Скотников ЦСКАның балалар-яшүсмерләр спорт мәктәбендә төп капкачы урынын яулый, ә чыгарылыш елында аны Яшьләр хоккей лигасы дәрәҗәсендә чыгышларга әзерли башлыйлар.
«Красная Армия» клубы өчен профессиональ дәрәҗәдә дебют 2017 елның 19 октябрендә башкаланың «Крылья Советов» командасына каршы матчта була. Ул уенда Всеволод матч азагында бозга чыга һәм мәйданчыкта 3 минут һәм 20 секунд уздыра, шул ук вакытта керттерми[2]. Киләсе сезоннар Всеволод Скотников армеецларның яшьләр командасының капкачысы була, ә 2019/2020 еллар сезонында капкачы «Звезда» өчен Югары хоккей лигасындагы уеннарга җәлеп ителә башлый. Шулай ук Игорь Никитинның тренерлар штабы Скотниковны КХЛ матчларына берничә тапкыр игълан итә, әмма уенчы бозга чыкмый.
КХЛда дебют 2020 елның 12 сентябрендә, Хабаровскның «Амур» командасына каршы кунак матчында була. Ул уенда Всеволод Скотников барлык 60 минутны да мәйданда уздыра, ә ЦСКА 5:1 исәбе белән җиңә[3].
Җыелма командада карьера
үзгәртүСкотников халыкара карьерасының төп мизгелләренең берсе — 2019 елның 18-28 апрелендә Швециянең Эрншельдсвик һәм Умео шәһәрләрендә узган 2019 елгы яшьүсмерләр арасындагы дөнья чемпионаты. Всеволод турнирны төркем турнирында Словакия җыелма командасына каршы матч белән башлап җибәрә, Россия яшьүсмерләр җыелма командасы аны 6:3 исәбе белән ота. Аннары Скотников америкалыларга каршы беренчел раундның йомгаклау уенында бер периодка чыга. Ул турнир көмеш медальләр яулаган яшьүсмерләр җыелмасы өчен уңышлы була.
Казанышлар
үзгәртү
Яшьүсмерләр арасында дөнья чемпионатының көмеш призёры — 2019
