Владимир Солодов
Владимир Викторович Солодов (1982 елның 26 июле, Мәскәү, ССРБ) — Россия дәүләт эшлеклесе. 2020 елның 21 сентябреннән Камчатка крае губернаторы (2020 елның 3 апреленнән 21 сентябренә кадәр Камчатка крае губернаторы вазыйфаларын вакытлыча башкаручы).
| Владимир Солодов | |
|---|---|
 | |
| Туган | 26 июль 1982 (42 яшь) Мәскәү, СССР |
| Әлма-матер | Мәскәү дәүләт университеты |
| Һөнәре | дәүләт хезмәткәре |
| Гыйльми дәрәҗә: | сәясәт фәннәре нәмзәте[d] |
Саха (Якутия) Республикасы Хөкүмәте рәисе (2018—2020). Сәяси фәннәр кандидаты (2007).
Тормыш юлы
үзгәртүВладимир Солодов 1982 елның 26 июлендә Мәскәүдә туган. 2002 елда Парижда Сәяси фәннәр институтында (Institut de Sciences Politiques de Paris) белем ала. 2004 елда Мәскәү дәүләт университетының дәүләт идарәсе факультетын тәмамлый. 2004—2007 елларда Ломоносов исемендәге МДУның аспирантурасында укый.
2007 елда «Дәүләт идарәсен үзгәртеп кору коралы буларак электрон хөкүмәт» темасына диссертация яклый. Сәяси фәннәр кандидаты.
2005 елдан алып 2013 елга кадәр МДУ Дәүләт идарәсе факультетында укытучылар һәм фәнни эшчәнлек белән шөгыльләнә. Ассистенттан идарә итү теориясе һәм практикасы кафедрасы доцентына кадәр юл узган.
2013 елда АСИның «Яшь профессионаллар» юнәлешендәге проектлар һәм практикалар департаментын җитәкли. Һөнәри кадрларны үстерү өлкәсендәге проектларны сайлап алу һәм алып бару өчен җавап биргән, «Глобаль мәгариф» программасын эшләтеп җибәрүдә катнашкан. Шулай ук Ерак Көнчыгышның алгарышлы үсеше территорияләре өчен проектлар эшләү буенча сессияләр оештыруда катнашкан.
2015 елның 6 апрелендә Россия Федерациясе Президентының Ерак Көнчыгыш федераль округында тулы вәкаләтле вәкиле Юрий Трутневның урынбасары итеп билгеләнә. Социаль һәм икътисади сәясәт, иҗтимагый проектларны тормышка ашыру һәм патриотик тәрбия мәсьәләләрен кураторлык иткән.
2017 елның 1 августында Ерак Көнчыгышны үстерү фонды директорлар советы рәисе урынбасары итеп билгеләнә. 2018 елның 26 июнендә Саха (Якутия) Республикасы Хөкүмәте рәисе вазыйфаларын башкаручы итеп билгеләнә. 2018 елның 18 октябрендә Саха (Якутия) Республикасы Хөкүмәте рәисе итеп билгеләнә.
2020 елның 3 апрелендә Камчатка крае губернаторы вазыйфаларын вакытлыча башкаручы итеп билгеләнә[1][2].
2020 елның июлендә Камчатка крае губернаторы Владимир Солодов үз-үзен тәкъдим итүче буларак теркәлгән[3]. 2020 елның 13 сентябрендә узган сайлауларда ул 80,51% тавыш җыя һәм шулай итеп беренче турда сайлана[4]. Камчатка крае башлыгының инаугурациясе 2020 елның 21 сентябрендә узган[5].
Фәнни эшчәнлек
үзгәртүДәүләт идарәсе мәсьәләләре буенча 30дан артык мәкалә авторы һәм автордашы, шул исәптән «E-Government и борьба с коррупцией» (2006), «Электронная бюрократия: постбюрократия или сверхбюрократия» (2007)[6].
Искәрмәләр
үзгәртү- ↑ Владимир Солодов назначен временно исполняющим обязанности губернатора Камчатского края. Президент России. 2020-04-03 тикшерелгән.
- ↑ Биография врио губернатора Камчатского края Владимира Солодова. ТАСС. 2020-04-04 тикшерелгән.
- ↑ Владимир Солодов зарегистрирован как кандидат в губернаторы 23 июля 2020. ИА Камчатка.
- ↑ Избирком Камчатского края признал победу Солодова на выборах губернатора. 2020-09-21 тикшерелгән.
- ↑ Владимир Солодов вступил в должность губернатора Камчатки: ИА «Кам 24». 2020-09-21 тикшерелгән.
- ↑ Чем известен Владимир Солодов. www.kommersant.ru (2020-04-03). 2020-04-04 тикшерелгән.