Атҗитәр (Кырмыскалы районы)

Атҗитәр (Иске Атҗитәр) — Башкортстанның Кырмыскалы районындагы татар авылы. Уфадан 60 чакрым еракта урнашкан.

Атҗитәр
Ил Россия
Җөмһүрият Башкортстан
Район Кырмыскалы районы
Координатлар 54°19'14"N, 55°40'2"E
Беренче телгә алу 1735
Халык саны 499 кеше
Милли состав татарлар
Дини состав мөселман-сөнниләр
Сәгать кушагы UTC+5
Почта индексы 453061

Тарихи белешмәҮзгәртү

Атҗитәр авылына 1739 елда типтәрләр килеп утыра, алар җирне Уршак-мин вулысы башкортларыннан мәңгегә алалар; аннан соң 1758 елда ук авылга башкортлар тарафыннан яңадан мишәрләр кертелә.[1]

Атиҗитәрдә Башкорт-мишәр гаскәре 1нче мишәр кантонының штабы урнашкан була. Тукай, Мөксин, Бозаяз, Корманай, Балыклыкүл, Солтанморат, Талбазы, Кәлчер-Буран, Кәбәч, Зәет, Нугазак авылларыннан Француз сугышына барырга җыенган яугирләр шунда тупланган.

ХалыкҮзгәртү

Халык саны
2010[2]
499

Танылган шәхесләрҮзгәртү

  • Ырынбур Диния нәзаратының беренче мөфтие Мөхәммәтҗан Хөсәенов 1796 елда Сенаттан җир сатып алы хокукын ала һәм Атҗитәр типтәрләре җирләрен башкортлардан икенче тапкыр сатып ала. «Бу минем җир, куртым килешүегезнең вакыты узды» дип Атҗитәр халкын куа башлый. Аның кешеләре татарларны чәчкән игеннәргә кертмичә, икмәкләрне урап һәм Атҗитәрнең көтүдән калган терлекләрен җыеп мөфтинең утарына кайтаралар. Мөфти хәзрәтләре дәгъвалаган җирләрне эшкәртергә кол чуашларны хуторларга китереп утырта. Озак вакытка сузылган мәхкәмәләшү башлана. Мөфти гомеренең ахырынача шунда яши, кабере авыл зиратында саклана[3]
  • Илдар Уразбахтин (1954), медицина фәннәре докторы (2005). БР атказанган табибы (2005). БР фән һәм техника өлкәсендәге Дәүләт премиясе лауреаты (2007)

ИкътисадҮзгәртү

Атҗитәрдә ҖЧҖ “Аккош” кошчылык фабрикасы эшли башлаган (8 мең баш каз).

МәгарифҮзгәртү

Атҗитәр урта мәктәбендә 76 бала укый (2010-11 уку елы саннары).

ИскәрмәләрҮзгәртү