Александр Лаврентьев
Лаврентьев Александр Петрович (9 октябрь 1946, Казан) — ССРБ һәм Россия инженеры, Казан вертолетлар заводы директоры (1984—2007), Казанның мактаулы гражданины (2005)[1].
 | |
| Җенес | ир-ат |
|---|---|
| Ватандашлык |
 СССР Россия |
| Туу датасы | 9 октябрь 1946 (77 яшь) |
| Туу урыны | Казан, РСФСР, СССР |
| Һөнәр төре | инженер |
| Бүләкләр | |
 Александр Лаврентьев Викиҗыентыкта | |
Биографиясе үзгәртү
Александр Петрович Лаврентьев 1946 елның 9 октябрендә Татарстан АССР Казан шәһәрендә туган. Хезмәт эшчәнлеген 1967 елда Казан фәнни-тикшеренү электр-физика институтында башлый, техник, өлкән техник-конструктор, инженер-конструктор була. 1973 елда А. Н. Туполев исемендәге Казан авиация институтын инженер-механик белгечлеге буенча тәмамлый[2].
1970 елда Казан вертолет җитештерү берләшмәсенә эшкә күчә, инженер-конструктор, бюро башлыгы, бүлек башлыгы урынбасары, бүлек башлыгы була. 1981— 1984 елларда Казан вертолет җитештерү берләшмәсенең партком секретаре була.
1984 елда Казан вертолет җитештерү берләшмәсе генераль директоры итеп билгеләнә (1994 елдан — «Казан вертолет заводы» ААҖ), 2007 елга кадәр вазыйфаны башкара. 2015 елга кадәр заводның директорлар советы рәисе була.
1989 елдан 1990 елга кадәр КПССның Татарстан өлкә комитеты секретаре була.
2008 елдан — Татарстан Республикасы предприятиеләре һәм сәнәгатьчеләре ассоциациясе (эш бирүчеләрнең региональ берләшмәсе) президенты.
Дәүләт бүләкләре белән бүләкләнгән: «Хөрмәт билгесе» (1986), Татарстан (2016) һәм РФ Дуслык орденнары (1997 , ««Татарстан Республикасы алдындагы казанышлар өчен» ордены (2006), IV дәрәҗә Ватан алдындагы хезмәтләр өчен (2007), "Татарстан Республикасы алдындагы казанышлары өчен" (2007) орденнары, М. Л.Миль исемендәге медаль (1992)[3] һәм башкалар белән бүләкләнгән. Мактаулы авиатөзүче (2010), Татарстан Республикасының атказанган машина төзүчесе (2011), Татарстанның фән һәм техника өлкәсендәге Дәүләт бүләге лауреаты (2002)[4].