Аксубай районы гербы

Аксубай районы гербы — Татарстан Республикасы Аксубай муниципаль районы гербы-муниципаль берәмлекнең рәсми символы булган танып-белү-хокукый билгесе.

Аксубай районы гербы
Нигезләнү датасы	20 декабрь 2005

Герб Аксубай муниципаль районының вәкиллекле органының 20 нче номерлы карары белән 2005 елның 20 декабрендә расланган.

Герб 2171 номерлы теркәү номеры астында Россия Федерациясе Дәүләт геральдика регистрына һәм Татарстан Республикасы Дәүләт геральдика реестрына 24 номерлы астында кертелгән.

Гербның тасвирламасы

«Сәнәксыман рәвештә зәңгәрсу (күк), яшел һәм җете кызыл (кызыл) өлешләргә бүленгән җирлектә аңа каршы очучы, арка якларыннан сурәтләнгән һәм канат очлары белән бер-берсенә орынган өч (бер һәм ике) көмеш күгәрчен белән чолгап алынган яктыртучы алтын кояш».

Герб символикасы

Герб символлар һәм аллегорияләр теле белән районның мәдәни, тарихи һәм икътисади үзенчәлекләрен чагылдыра.

Канатлар һәм тирә-юньдәгеләр белән тоташучы өч көмеш кош район территориясендә өч халыкның: чуашларның, татарларның һәм русларның тыныч һәм гармонияле яшәвен символлаштыра. Көмеш төс — чисталык, камиллек, тынычлык һәм үзара аңлашу символы.

Гебтагы алтын кояш Аксубай районын борынгы бабалар истәлеген саклап, киләчәк буыннарны кайгыртып яшәүче, бай традицияле төбәк буларак сурәтли. Кояш — уңдырышлылык, хакыйкать, ихласлык, дан символы.

Гербның өчкелт җирлеге күп мәгънәгә ия: район икътисадының юнәлешләрен символлаштыра: нефть, игенчелек, терлекчелек; басулар ел фасыллары алмашын һәм аңа нигезләнгән еллык циклны күрсәтә, шулай итеп, район җитештерүнең авыл хуҗалыгы юнәлешенә басым ясам ясала.

Алтын төс — уңыш, байлык, тотрыклылык, хөрмәт һәм акыл символы.

җете кызыл — caбатырлык, көч, хезмәт, матурлык символы.

Ачык зәңгәр төс — намус, намуслылык, рухият символы.

Яшел төс — табигать, сәламәтлек, тормыш үсеше, яңарыш символы.

Герб тарихы

Гербны эшләү Татарстан Республикасы Президенты каршындагы Геральдика Советы тарафыннан Россия геральдистлар Союзы белән берлектә Россия составында башкарылды:

Рамил Хәйретдинов (Казан), Радик Салихов (Казан), Константин Моченов (Химки), Кирилл Переходенко (Конаково), Оксана Афанасьева (Мәскәү).

Моны да карагыз

Аксубай районы флагы

Чыганаклар

• Государственные и муниципальные символы республики татарстан = Татарстан республикасы дәүләт һәм муниципаль символлары = State and municipal symbols of the Republic of tatarstan.. — Казань: Татарское книжное издательство, 2017. — С. 73-76. — 248 с.