Айрат Хәйруллин (1981)
Айрат Ринат улы Хәйруллин (рус. Айрат Хайруллин яки рус. Хайруллин Айрат Ринатович, 1981 елның 11 декабре, ССРБ, РСФСР, ТАССР, Баулы) — Татарстанның сәяси һәм хуҗалык эшлеклесе, Әлмәт муниципаль районы һәм Әлмәт шәһәре башлыгы (2015—2019 елларда), 2019 елның 5 июненән — Татарстан Республикасы Дәүләт идарәсенең цифрлы үсеше, мәгълүмати технологияләр һәм элемтә министры. Социология фәннәре кандидаты (2007).
| Айрат Хәйруллин | |
|---|---|
 | |
| Татарстан Республикасы Дәүләт идарәсенең цифрлы үсеше, мәгълүмати технологияләр һәм элемтә министры | |
| Вазыйфага керешкән 5 июнь 2019 ел | |
| Әлмәт районы башлыгы | |
| Вазыйфада 2015 елның 23 сентябре – 2019 елның 5 июне | |
| Туган | 11 декабрь 1981 (42 яшь) ССРБ. .svg){kind=small} РСФСР,  ТАССР, Баулы |
Тәрҗемәи хәле
үзгәртү1981 елның 11 декабрендә Татарстан АССР Баулы эшчеләр бистәсендә (1997 елдан шәһәр) туган. Казан дәүләт технология университетының социаль-икътисадый факультетын тәмамлаган (2003).
Хезмәт юлы
үзгәртү1996 елдан — Баулыда кирпеч заводы укладчы-сортировкалаучысы.
2002 елдан — Татарстан Республикасы элемтә министрлыгында I категорияле белгеч.
2003—2007 елларда — Татарстан Республикасы Транспорт һәм юл хуҗалыгы министрлыгында әйдәүче белгеч, баш белгеч, бүлек башлыгы.
2007 елның мартыннан — «Татарстан Республикасы мәгълүмат технологияләре үзәге» дәүләт учреждениесе генераль директоры урынбасары.
2008 елның 28 мартыннан — Татарстан Республикасы министрлар кабинеты аппаратында: мәгълүмат коммуникацияләре, мәгълүматны яклау һәм матди-техник тәэмин итү бүлеге башлыгы, 2010 елның 23 апреленнән — аппарат җитәкчесе урынбасары, 2011 елның 1 гыйнварыннан — җитәкче урынбасары — эшләр белән идарә итүче.
2012 елның 31 маеннан — Татарстан Республикасы Президентының икътисадый мәсьәләләр буенча ярдәмчесе.
2015 елның 2 мартыннан — Әлмәт муниципаль районында: башкарма комитет җитәкчесе в. б., 2 апреленнән — Әлмәт муниципаль районы башкарма комитеты җитәкчесе, 23 сентябрьдән — Әлмәт муниципаль районы башлыгы, Әлмәт муниципаль районы Советы рәисе, Әлмәт шәһәре башлыгы, Әлмәт шәһәре Советы рәисе.
2019 елның 5 июненнән — Татарстан Республикасы Дәүләт идарәсенең цифрлы үсеше, мәгълүмати технологияләр һәм элемтә министры[1][2].
Белеме
үзгәртү- Социология фәннәре кандидаты (2007)
- МВА КДФИИ Программасын эшлекле администрацияләү остасы (2010)
- Executive MBA Colorado State University программасы буенча уку узган (2014)
«Ак барс холдинг» ААҖ, «Таттелеком» ААҖ, «Сетевая компания» ААҖ, «Татэнергосбыт» ААҖ, «Горький исемендәге Яшел Үзән суднолар төзү заводы» ААҖ директорлар шуралары әгъзасы.
Бүләкләре, мактаулы исемнәре
үзгәртү- «Мәгълүматны яклауның дәүләт системасын ныгыту өчен» I дәрәҗә Россия ФСТЭК медале
- «Казанның 1000 еллыгы истәлегенә» медале (2005)
- Татарстан Республикасы Президенты Рәхмәте
- Татарстан Республикасы Министрлар Кабинеты Рәхмәте
- Татарстан Республикасы Транспорт һәм юл хуҗалыгы министрлыгы Рәхмәте.
Гаиләсе
үзгәртүӨйләнгән. Улы, кызы бар[3]
Искәрмәләр
үзгәртү- ↑ Айрат Хайруллин сложил полномочия главы. 2019 елның 9 июнь көнендә архивланган. Знамя труда, 6.06.2019(рус.)
- ↑ Песошин Хәйруллинга: Барлык бурычларны да хәл итә алырсыз дип ышанам(үле сылтама). Татар-информ, 06.06.2019
- ↑ Айрат Хайруллин: «Я точно могу сказать, что альметьевцы не чувствуют себя провинциалами» 2018 елның 2 октябрь көнендә архивланган.. Татар-информ, 20.08.2018
Сылтамалар
үзгәртү- Айрат Ринат улы Хәйруллин 2019 елның 14 июнь көнендә архивланган.. Әлмәт районы рәсми сайты
- Айрат Ринат улы Хәйруллин 2018 елның 19 август көнендә архивланган.. ТР мәгълүматлаштыру һәм элемтә министрлыгы сайты
- Айрат Хәйруллин. Вконтакте сәхифәсе
- Айрат Хайруллин. Instagram