Алга (газета)

	«Алга»
Tөр	социал-демократик газета
Нәшер итүче	«Татар социал-демократларының Мәркәз комитеты Уфада»
Баш мөхәрир	Әхмәтсолтан Хәбиби
Нигезләнгән	1917
Сәяси тараф	социал-демократ
Тел	татар теле
Публикацияләр туктату	1917, ел ахыры.
Төп офис	Уфа

«Алга» газетасы – 1917 елда Уфа шәһәрендә чыккан татар социал-демократик газетасы.

Бу терминның башка аңлатмалары да бар, аларны карау өчен Алга (мәгънәләр) битенә күчегез.

Татар матбугаты порталы

Тарих

Беренче саны 1917 елның 4 августында Уфада, «Тормыш» газетасы типографиясендә басыла. Барлыгы 7 сан гына чыга, алар барысы да урта кулда, 4 битле генә була. Мөхәрир вазифасында – Әхмәтсолтан Хәбиби, нашире — «Татар социал-демократларының Мәркәз комитеты Уфада». Мәкалә язучылар арасында иң җитди чыгыш ясаучысы Кәшфи Кабиров булган.

Юнәлеш

Газета татар социал-демократларның матбугат органы булып санала, шигаре исә «Берләшеңез, бөтен дөньяның пролетариясе!» була. Ләкин чынлыкта газета шул лозунг буенча гына эшләми, ә бәлки үзенең битләрендә төрле сәяси фикерләргә урын бирә. Мәсәлән, Эчке Россия мөселманнары Милли-мәдәния мохтарияте игълан ителү турында ул болай яза:^[1]

Казанда булып үткән өч съезд Эчке Россия мөселманнары өчен Милли вә мәдәни атономия игълан кыйлды. Шул сәбәпле 22 нче июль көнне безнең демократлар да Хөррият бәйрәме ^[2] дип кабул итәргә тиеш булачаклар.

Чыганак

Исмәгыйль Рәмиев, Рәис Даутов. «Алга» // Әдәби сүзлек. — Казан: Татар. кит. нәшр., 2001. — Б. 399.

Искәрмәләр

↑ «Әдәби сүзлек» буенча
↑ Ягъни, Бәйсезлек бәйрәме (көне)

[1] «Әдәби сүзлек» буенча

[2] Ягъни, Бәйсезлек бәйрәме (көне)

[1]

[2]