Yeva Dikson
Yeva Dikson (şved. Eva Dickson; 1905 yılnıñ 8 martı, Şvetsiä, Stokholm[en], Sigtuna[en] — 1938 yılnıñ 24 martı, Ğiraq patşalığı[en], Bağdad) — Şvetsiä säyäxätçese, oçuçısı, avtouzışçısı häm yazuçısı. Saxra çülen maşina belän ütkän berençe xatın.
| Yeva Dikson şved. Eva Dickson | |
 | |
| Tuğandağı iseme |
Yeva Lindström |
|---|---|
| Tuu datası | |
| Tuu urını | |
| Ülem datası | |
| Ülem urını | |
| İl | |
| Eşçänlek töre | |
Biografiäse
үзгәртүYeva Dikson 1905 yılnıñ 8 martında tuğan. Mölkätle at ürçetüçe Albert Lindström häm Mariä Lindströmnıñ qızı bulğan.
20 yäşendä Yeva avtouzışçı Olof Diksonğa kiäwgä çıqqan, läkin cide yıldan ayırılışqan. Ayırılışunıñ säbäbe Olofnıñ anıñ säyäxät itüwenä qarşı buluwı bulğan.
Yevanıñ säyäxätläre cämäğätçelekneñ zur iğtibarın cälep itkän. Ul üz täcribäse turında berniçä kitap, şulay uq säyäxätçelär öçen berniçä yul kürsätkeçe çığarğan. Yeva säyäxätlärgä aqçanı törle bay dönyawi zatlar belän pari tözep eşläp tapqan.
1932 yılda ul bäxäskä maşina belän Nayrobidan Stokholmğa barğan, böten Saxra çüle aşa uzğan berençe xatın-qız bulğan.
1932 yılda Yeva yazuçı Karen Bliksennıñ[en] elekkege ire baron Bliksen belän tanışqan. Alar Keniädä oçraşqannar häm tizdän söyärkälär bulğannar. Şunda uq, Keniädä, 1932 yılda Yeva törle ekspeditsiälärdä qatnaşqan. Ä kiläse yılğa alar Xäbäşstanğa kitkännär, anda Dikson The Weekly Journal Şvetsiä gäziteneñ xärbi korrespondentı sıyfatında Abissiniä krizisı turında yazğan. Xäbäşstannan alar qaçırlarda 2000 km yul ütep Keniägä qaytqannar.
1936 yılda alar öyläneşkän. Yeva häm Blinksen bal ayın üzläreneñ dusları — Ernest Hemingwey häm Marta Gellhorn[en] kompaniäsendä Kuba häm Bahama utrawları yanında yaxtada yözep uzdırğannar[5].
1937 yılnıñ 3 iyünendä Dikson üzeneñ küptänge xıyalın tormışqa aşırırğa häm böten yefäk yulın yalğızı ğına maşinada ütkän berençe keşe bulırğa niätläp, Stokholmnan Beyciñğa säyäxätkä kitkän. Ul yalğızı ğına Almaniä, Läxstan, Rumıniä, Törkiä, Süriä häm İran aşa uzğan. Ul Äfğänstanğa barıp citkäç, aña Hindstan aşa barırğa kiñäş itkännär, çönki ul salğan marşrut xatın-qız öçen artıq qurqınıç sanalğan. Kälküttägä kilep citkäç, Yeva kinät awırıp kitkän. Yevanı xastaxanädä mışyak yärdämendä däwalağannar, bu anıñ xälen naçaraytqan ğına. Monnan tış, Kälküttädä anıñ aqçası betä başlağan. Ä aña Yaponiä-Qıtay suğışı[en] başlanu turındağı xäbärlär kilep citkäç, Dikson üzeneñ bilgelängän punktına barıp citä almayaçağın añlağan. Awıruwına qaramastan, ul Awrupağa qaytırğa qarar itkän. Ul Bağdadqa qädär barıp citä alğan (ul waqıtqa anıñ säfäre inde 9 ay däwam itkän), anda yullarnıñ bersendä ul avtomobil’ idäräse östennän kontrolne yuğaltqan häm häläqätkä oçrağan. Yeva şunda uq ülgän. 1938 yılnıñ 22 aprelendä Stokholmda cirlängän[5].
İskärmälär
үзгәртү- ↑ Husby-Ärlinghundra kyrkoarkiv, Födelse- och dopböcker, SE/SSA/1518/C I/8 (1895-1924), bildid: 00057768_00044.
- ↑ 19050308 Dickson f. Lindström, Eva Amalia Maria // Sveriges dödbok
- ↑ Eva Amelie Maria, f. 1905 i Husby-Ärlinghundra Stockholms län // Folkräkningar (Sveriges befolkning) 1910 — Riksarkivet.
- ↑ Oscars kyrkoarkiv, Död- och begravningsböcker, SE/SSA/6025/F I/6 (1935-1940), bildid: 00030174_00122.
- ↑ 5,0 5,1 Populär Historia, 23 januari, 2009: Äventyraren Eva Dickson. әлеге чыганактан 2014-02-20 архивланды.
Ädäbiät
үзгәртү- Populär Historia, 23 januari, 2009: Äventyraren Eva DicksonArchived 20 February 2014 at the Wayback Machine. (in Swedish)
- Lena Wisaeus & Ann Bjerke: Eva Dickson — ett bedårande barn av sin tid (2000)
- Gunnela Edelstam, 20 januari 2012: Eva Dickson, en äventyrare