Törkiädä terror ğämäle (avgust, 2016)

Törkiädä terror ğämäle yäki Gazianteptäge terror ğämäle - 2016 yılnıñ 20 avgustında Törkiäneñ könyağındağı Gaziantep şähärendä tuy waqıtında intixarçı-yäşüsmer üzen şartlatu näticäsendä kimendä 51 keşe häläk bulğan, 94 keşe yaralanğan.

Gazianteptäge terror ğämäle
Höcüm urını	Gaziantep, Törkiä
Data	20 avgust, 2016, 22:50 (UTC+03:00)
Höcüm ısulı	şartlaw, üzen şartlatqan intixarçı
Qoral	şartlatqıç
Häläk bulğan	51 keşe (älegä)
Yaralanğan	69-94 keşe
Terorçılar sanı	1
Cinäyättä cawaplı	älegä tögäl bilgesez, İGİL şiklänelä

Törkiä prezidentı Räcäp Tayyip Ärdoğan şartlatuçı 12-14 yäşlek üsmer bulğan dip belderä. Bu xaqta Törkiäneñ Anadolu agentlığı xäbär itä.

Xastaxanälärgä kiterelgän 60 keşeneñ 17seneñ xäle awır dip belderelä. Aldan Erdoğan İGİL terror oyışması bu şartlawlarnı oyıştırğan bulırğa mömkin dip beldergän ide. Törkiä vitse-premyerı Mexmet Şimşek "wäxşilärçä" şartlatunı intixarçı oyıştırğan, dide.

Şartlawdan soñ uq Ğäziantep xäkimiätläre älege xälne terror ğämäle dip bäyäläde. Älegä şartlawnı üz östenä aluçı bulmadı.

Sıltamalar

• http://www.azatliq.org/a/27936200.html Төркиядә туйда террор гамәлендә кимендә 51 кеше һәлак булды