Parijdağı İzge Ana cämiğe
Parijdağı İzge Ana cämiğe yäki Notr-Dam de Pari (fr. Notre-Dame de Paris) — Parij üzägendä urnaşqan katolik cirkäw, Parij arxieparxiäseneñ kafedral' cämiğ çirkäwe.
| Parijdağı İzge Ana cämiğe katolik çirkäw | |
|---|---|
 | |
| il | Fransiä |
| şähär | Parij |
| din | katolik xristianlıq |
| tör | cämiğ çirkäw |
| nigez saluçı | Moris de Sülli |
| miğmariät stile | gotika |
| tözüçelär | Jañ de Şel, Pyer de Moñtröy h.b. |
| tözeleş waqıtı | 1163-1345 |
| izge äyberlär | Ğäysä Mäsix çäneçkele tacı |
| bieklege | 69m, 90m |
| xaläte | 15.04.2019 yanğınnan zur zıyan kürä |
Site digän utraw könçığışında, 4-nçe şähär bülgesendä, borınğı gall-rim Yupiter ğibädätxanäse fundamentında, soñraq Parijnıñ berençe xristian çirkäwe - İzge Stefan çirkäwe urınında urnaşqan.
1163-1345 yıllarda Parij episkopı Moris de Sülli qararı buyınça gotik cämiğ çirkäw tözelä.
1182 yılda altar öleşe izgeländerelä, XIII ğasırda könbatış fasadı häm manara tözelä.
Böyek Fransiä İnqıylabı waqıtında zıyan kürä, XIX ğasırda Violle-le-Dük citäkçelegendä tözekländerelä.
Viktor Gügo yazğan roman çirkäwne danlıy häm cimerüdän qotqara. Mädäniättä bilgele urın alğan: çirkäwgä kitaplar, müzikl, ariyalar bağışlanğan.
Älege çirkäw Fransiä tarixında zur rol' uynağan: monda ilneñ berençe parlamentı cıyılğan, Janna d'Ark aqlanğan, Napoleonğa impiratır tacı kiderelgän.
2019 yılnın 15 aprelendä 9 säğätlek yanğınnan zur zıyan kürä, qayber çirkäw xäzinäläre qotqarıla, läkin manara oçı häm tübäse tulısınça cimerelä.