Palasio Barolo
Palasio Barolo (isp. Palacio Barolo), şulay uq Barolo passajı yäki Barolo galereyası — Buenos-Ayres şähäreneñ Monserrat[en] rayonında Avenida de Mayo[en] prospektında urnaşqan ofis binası. 1923 yılda tözelgän waqıtta bu bina şähärdä häm böten Könyaq Amerikada iñ biek bina bulğan. Xäzerge waqıtta Milli tarixi häykäl bulıp tora[1].
| Palasio Barolo isp. Palacio Barolo | |
.jpg) | |
| Tip | |
|---|---|
| İl | |
| Urın |
Buenos-Ayres, Avenida de Mayo[en], 1370 |
| Arxitektura stile | |
| Proyerkt avtorı | |
| Arxitektor |
Mario Palanti |
| Tözeleş yılları | |
| Bieklek |
100 m |
| Sayt | |
Tarixı
үзгәртү
İtaliä arxitektorı Mario Palanti[en] bu saraynı biznesmen Luis Barolo üteneçe buyınça tözegän. Palanti şulay uq işek totqaları, yaqtırtqıçlar häm lift räşätkäläre kebek bina dizaynınıñ unikal’ elementları avtorı da bulğan. 1923 yılnıñ 7 iyülendä bina publika öçen açılğan[2]. 1935 yılğa qädär ul Edifisio Kavanah[en] binası tözelgängä qädär şähärdä iñ biek bina bulğan.
Binanıñ berençe xucası berençe öç qatnı üze öçen qullanırğa, ä qalğannarın arendağa birergä planlaştırğan. Bügen bu ofis binası. Binanı yaqtırtu qüäte 300 000 kandela[en] täşkil itä. Binanıñ öske öleşendä maxsus oçraqlarda eşli torğan mayak bar. Tözeleş bäyäse 4 500 000 Argentina pesosın täşkil itkän. Tözeleştä 650 tonna qorıç, 3500 tonna kirpeç häm 70 000 miçkä Portland sementı[en] totılğan. Barlıq dekorativ materiallar, şul isäptän Karrara märmären[en] dä kertep, importlanğan[3].
22 qatlı binanıñ bieklege 100 m täşkil itä. Palanti Dante Aligyerinıñ «İlahi kämit[en]»enä tayanıp bina proyektın tözegän. Arxitektor binanıñ qatların öç seksiägä bülgän: idän astı cähännämne simvollaştıra, 1-nçe qattan 14-nçe qatqa qädär araf allegoriäse bulıp tora, ä 15-nçe qattan 22-nçe qatqa qädär ocmaxnı simvollaştıra. Manara başındağı mayak üzeneñ strukturası buyınça «Färeştälär tuğız çinı[en]» bulıp tora. Plannarnıñ berse buyınça, Palasio Barolo şağir Dante mavzoleyı bulırğa tieş bulğan, arxitektor anıñ qaldıqların Buenos-Ayresqa küçerergä planlaştırğan.
Ul waqıtta binanıñ arxitekturası ğäyät zur yañalıq ide.
Bina 9 lift belän cihazlandırılğan. Palasio Baroloda 20 metrlı zal urnaşqan, anda bizäkle tüşäm bar. Manaranıñ öske öleşendä mayak urnaştırılğan, anıñ yärdämendä bina xätta Urugwaydan da kürenä. 2009 yılda bina restavratsiälängän[4]. 1997 yılda Palasio Barolo Milli tarixi häykäl dip iğlan itelgän[1].
Bina tübäsendäge mayak 2009 yılnıñ 25 sentäbrendä yañadan eşli başlağan. Ul Buenos-Ayresnı ike yöz yıllığın bäyräm itü qısalarında yaqtırtqan. 2010 yılnıñ 25 mayınnan başlap ul här aynıñ 25 könendä eşli başlıy häm yartı säğät däwamında ul Buenos-Ayresnıñ tönge kügen yaqtırta[5].
Sänğättä
үзгәртү2012 yılda rejissör Sebastyan Şindel tarafınnan «Latin Amerikası kükteräwe» (isp. El Rascacielos Latino) dokumental’ filmı töşerelgän, anda binanıñ tarixı häm anı proyektlaw waqıtındağı kuryozlar turında söylänelä. Ozınlığı ber säğätkä yaqın bulğan film 2012 yılnıñ aprelendä BAFICI 2012 festivale qısalarında uzğan dokumental’ filmnar kinofestivalendä ciñüçe itep saylanğan. Film şul uq yılnıñ noyäbrendä San-Martin mädäni üzägendä kiñ publikağa kürsätelgän[6].
İskärmälär
үзгәртү- ↑ 1,0 1,1 Decreto 437/97
- ↑ Contreras Leonel (2005): Libro Rascacielos porteños: historia de la edificación en altura en Buenos Aires, 1580—2005.
- ↑ Molinari Ricardo Luis (1980): Buenos Aires, 4 Siglos. Tipográfica Editora Argentina, Buenos Aires. 416 p.
- ↑ Palacio Barolo. Pbarolo.com.ar. әлеге чыганактан 2012-06-23 архивланды. accessdate=15 сентября 2011 тикшерелгән.
- ↑ Página/12 :: Sociedad :: El Barolo volvió con su farola. әлеге чыганактан 2013-06-13 архивланды. 2013-06-13 тикшерелгән.
- ↑ "El rascacielos latino" gana en el 4 MenDoc(үле сылтама) escribiendocine.com, 12/11/2012