Möxämmät Mähdiev

Bu mäqäläneñ kirill älifbasındağı igezäge bar.
Mɵxəmmət Məhdiev (1930-1995) - Tatar xalqınıꞑ iꞑ yaratqan yazuçılarınıꞑ berse.

Mɵxəmmət Məhdiev 1930. yılnıꞑ 1. Dekəberendə Arça yaqlarında tua.

Arçada məƣərif buyınça hɵnəri məktəben təmamlaƣaç, dingezdə xərbi xezmət itə. Annan soꞑ un yılƣa yaqın tarix uqutuçısı bulıp eşli.

Qazan Dəwlət Məƣərif İnstitutında uqıy, Qazan Dəwlət Universitetında aspiranturnı təmamlıy. Şunnan soꞑ ozaq yıllar Universitetta tatar ədəbiətennən leksiəlar uqıy, tatar ədipləre turında fənni xezmətlər yaza. Tatar ədəbiətendə ul "Bez – qırıq berençe yıl balaları", "Frontoviklar", "Qaz qanatları" romannarı, "Keşe kitə – cırı qala", "Tornalar tɵşkən cirdə", "İsənme, Kəşfi abıy!", "Bəxilləşü" əsərləre belən tanıldı.

"Məꞑgelek yaz", "Bəxilləşü" əsərləre ɵçen Mɵxəmmət Məhdievkə Tatarstannıꞑ ƣabdulla Tuqay isemendəge Dəwlət bülege birelde.

Anıꞑ hər əsəre – tormış turında zur açış. Ul xalıq tormışın, kɵnküreşen yaxçı belə, anı sənƣətçe tɵgel, açıq küreneşlər, detəllər aşa taswirlıy.

Uqıtuçı, ƣəlim, Tatarstannıꞑ xalıq yazuçısı Mɵxəmmət Məhdiev – zur sələt iəse, qızıqlı şəxes bularaq küpsanlı uquçılarnıꞑ yɵrəgendə tirən ez qaldırdı.

Tuƣan awılda Gɵberçəktə ədipneꞑ muzeyı açıldı.

PərəwezdəҮзгәртү