Färeştä

Бу мәкаләнең кирилл әлифбасындагы игезәге бар.

Färeştälärneñ iñ böyekläre:

• Cäbrail. Allahnıñ ämer wä tıyuların päyğämbärlärgä citkerüçe, Allah belän päyğämbär arasındağı ilçe.
• Mikail. Tabiğät eşläre belän idärä itüçe färeştä. Yañğır, qar, cil häm tabiğättäge rıyzıq eşläre belän wazıyfalı färeştä.
• Ğazrail. Can aluçı färeştä. Allahnıñ ämere belän äcäle citkän keşelärneñ ruxın (canın) aluçı.
• İsrafil. Qiämät könen keşelärgä belgertäçäk färeştä. Sur isemle ber qoralğa örep, dönya tormışınıñ betkänen häm qiämät köneneñ başlanğanın belgertüçe.
• Kiramäk Qätibän färeştäläre. Keşelärneñ gönah–sawapların yazıp baruçı färeştälär. Alar keşelärneñ uñ häm sul cilkälärendä bulalar. Uñ yaqtağısı – sawaplarnı, sul yaqtağısı – gönahlarnı yazıp bara.
• Mönkär wä Näkir färeştäläre. Wafat bulıp, qäbergä kümelgän keşedän: «Rabbıñ kem? Päyğämbäreñ kem? Dineñ nindi?» dip sorarlar. Bu färeştälärgä «söyäl färeştäläre» dä dielä. Dinebezneñ ämerläre buyınça möselman bulıp yäşägän keşelär, bu sorawlarğa cawap birep, qäber ğazabınnan qotılırlar.
• Xafaza färeştäläre. Keşelärne törle qaza wä bälalärdän saqlağan färeştälär.