Donetsk ölkäsendä Boeing 777 häläkäte
Donetsk ölkäsendä Boeing 777 häläkäte - 2014 yılnıñ 17 iyülendä Donetsk ölkäse Grabovo awılı yanında Malaysia Airlines hawa şirkäteneñ Amsterdam-Kuala-Lumpur reysın başqarğan Boeing 777 oçqıçınıñ häläkäte. Qaza Ukraina könçığışında qorallı nizağ rayonında bulğan.
.jpg)
Oçqıçnıñ bortında 283 yulçı häm 15 ekipaj äğzası häläk bulğan.
Malaysia Airlines hawa şirkäteneñ Boeing 777-200ER oçqıçı belän 2014 yılda ikençe häläkäte, XXI ğasırda iñ zur hawa qazası.
Ukraina häm qayber könbatış illäre xökümätläre buyınça oçqıçnı Rusiä yaqlı xärbi talpaçılar[1] "cir-hawa" törendäge ZRK "Buk" raketası belän bärep töşergän[2]. Läkin "Buk" kompleksı tabılmağan, AQŞ qaraşı buyınça raketanı cibärgännän soñ, "Buk" Rusiägä küçerelgän. Baş kütärüçelär bu törendäge raketalar bulmawın äytä[3].
Rusiä häm DXC räsmi qaraşı buyınça oçqıçnı Ukraina xärbi köçläre "hawa-hawa" törendäge "Buk-M1" raketası belän bärep töşergän, Ukrainanıñ "Buk-M1" batareyäseneñ "Kupol" radio-lokatsion stantsiäse eşçänlege küzätelgän[4][5].
Boeing 777 häläkätennän soñ AQŞ häm anıñ berektäşläre Rusiägä qarşı basımın arttıra, iqtisadi, xärbi çikläwlärne kertä.
2015 yılda Nidirlan, Malayziä, Ukraina häm qayber bütän illär xalıqara tribunalnı çaqıru taläbe belän çıqtı.