Tsellüloza

Tsellüloza (latinça «tsellula»—küzänäk) - tabiği polimer. Tsellüloza, yäki kletçatka barlıq üsemleklärneñ dä sostavına kerä häm alarnıñ küzänäk tışçaların xasil itä.

Tsellüloza üsemleklärgä tieşle nıqlıq häm sığılmalılıq birä häm alarnıñ skeletın tözi.

Mamıq cepselläreneñ 98% ı tsellülozadan tora; citen häm kinder süsläre dä nigezdä tsellülozadan tora; üzağaçta ul 50% çaması. Käğäz, mamıq-cep tuqımalar tsellülozadan eşlänä. Çistartılğan mamıq häm filtr käğäze bötenläy dip äyterlek saf tsellülozadan toralar. Tabiği materiallardan ayırıp alınğan tsellüloza — suda häm ğädättäge organik eretkeçlärdä eremi torğan süssıman qatı matdä.

Tsellüloza bik küp urınnarda qullanıla. Mexanik yaqtan nıq bulğanğa anı üzağaç sostavında tözü eşendä faydalanalar, annan törle ağaç äyberlär yasıylar. Cepsel material bularaq (mamıq, citen, kinder), cep erläw, tuqıma tuqu, arqan işü öçen dä qullanalar. Ağaçtan ayırıp alınğan (iärçen matdälärdän arındırılğan) tsellüloza käğäz yasaw öçen totıla. Tsellülozanı gidrolizlaw häm şul waqıtta tabılğan glükozanı äçetü yulı belän etil spirtı tabalar.

Sıltamalar

• статья «Целлюлоза» (Химическая энциклопедия)
• (ингл.) LSBU cellulose page
• (ингл.) Clear description of a cellulose assay method 2005 елның 26 апрель көнендә архивланган. at the Cotton Fiber Biosciences unit of the USDA.
• (ингл.) Cellulose Ethanol Production — First commercial plant 2006 елның 24 апрель көнендә архивланган.

Микрокристаллическая целлюлоза в технологии лекарственных средств(үле сылтама)