Хәниф Фәйзуллин

Хәниф Фәйзуллин (1921-1943) – Советлар Берлеге каһарманы (1944).

Хәниф Шакир улы Фәйзуллин
Туу датасы	9 апрель 1921(1921-04-09)
Туу урыны	Ырынбур өлкәсе, Үрге Чебенле авылы
Үлем датасы	17 октябрь 1943(1943-10-17) (22 яшь)
Үлем урыны	Днепропетровск өлкәсе
Гаскәр төре	пехота
Дәрәҗә	Өлкән лейтенант
Бүләкләр һәм премияләр

Тәрҗемәи хәл

Фәйзуллин Хәниф Шакир улы 1921 елның 8 апрелендә хәзерге Ырынбур өлкәсе Сакмар районының Үрге Чебенле авылында туган. Милләте — татар. Ырынбурда рабфак бетергән, Укытучылар институтына кергән, аннары 1939 елда Эшче-крестьян Кызыл Гаскәренә чакырылган. 1941 елда Куйбышев хәрби укчылар училищесын тәмамлаган. 1941 елның августыннан хәрәкәттәге армиядә.

280нче гвардия укчы полкында (92нче гвардия укчы дивизиясе, 37нче армия, Дала фронты) рота командиры гвардия өлкән лейтенанты Фәйзуллин Днепр елгасының уң як ярында плацдармны киңәйтү өчен барган сугышларда батырлык күрсәткән. 1943 елның 17 октябрендә аның ротасы дошманның саклау сызыгын өзеп, берничә тапкыр танк һәм гитлерчылар һөҗүмен кире кайтарып, Ляховка (Днепропетровск өлкәсе Пятихатск районы) авылын азат иткән, шуның белән рота полкның сугышчан хәрәкәтенә булышкан. Кул сугышы вакытында авыр яраланган һәм һәлак булган. Советлар Союзы Герое исеме 1944 елның 22 февралендә бирелгән.

1974 елда Үрге Чебенле авылында Геройга бюст куелган.

Чыганаклар

• Каһарманнар.ру сайтында(үле сылтама) (тат.)