Троицк татар-башкорт педагогика училищесы

Троицк татар-башкорт педагогика училищесы (Троицк татар-башкорт педагогика техникумы) — 1920-1960 елларда Троицк шәһәрендә эшләп килгән уку йорты.

Троицк татар-башкорт педагогика училищесы
Урын Троицк
Ачыш датасы 1920

ТарихыҮзгәртү

1920 елда Троицк шәһәрендә татар-башкорт педагогика техникумы буларак ачыла. Ул элеккеге «Рәсүлия» мәдрәсәсенең бинасында урнаша.

1930-нчы еллар уртасында Троицк татар-башкорт педагогика училищесы дип үзгәртелә. Шушы ук бинада Троицк мәктәпкәчә педагогика училищесы урнашкан[1].

1953/54 уку елында училищеның көндезге бүлегенең 9 төркемендә 242 кеше белем алган. Тагын да 49 студент читтән торып уку бүлегендә (шул исәптән 6 кеше урта мәктәп нигезендәге аерым төркемдә) укыган. Бу чорда 25 укытучы эшләгән, шуларның 14-е — югары, 4-есе — тәмамланмаган югары һәм 7-се урта белемгә ия булган. Моннан тыш икәсе «атказанган укытучы» мактаулы исемен йөрткән[1].

Дәресләр 9 кабинетта алып барылган, моннан башка укытучылар бүлмәсе һәм физик культура залы булган. Шулай ук, уку корпусының 6 бүлмәсе яшәү өчен файдаланылган, яшәү өчен 72 кеше исәпләнгән аерым бина да булган. 1955/56 уку елында ике торакта 160 студент яшәгән. Бу чорда училище каршындагы китапханәдә 15644 данә китап булган[1].

1953/54 уку елынының башында училищеда 30 кешегә исәпләнгән уку остаханәсе төзелгән[1].

Читтән торып уку бүлегендә Чиләбе өлкәсе һәм Башкорт АССР-ының район һәм калалары милли мәктәпләренең укытучылары, тәрбиячеләре, пионервожатыйлар белем алганнар. Бу бүлектә укучыларның саны кимү сәбәбе белән ул 1955 елның 1 февралендә ябыла[1].

1956 елда училище икенче бинага күчерелә, ә 1960 елда ябыла.

ИскәрмәләрҮзгәртү

  1. 1,0 1,1 1,2 1,3 1,4 Моргунов К. А. Состояние национального образования в Чкаловской и Челябинской областях в 1940–1950-е годы / Этнокультурный и межконфессиональный диалог в Урало-Поволжском полиэтничном пространстве: исторический опыт и современность // Материалы Всероссийской научно-практической конференции. — Оренбург: Издательский центр ОГАУ, 2012. — С. 110. — 224 с. — ISBN 978-5-88838-775-7.