Судет таулары

Судет таулары яки Судетлар (полякча һәм чехча Sudety, алман. Sudeten) — Үзәк Аурупада урнашкан таулар. Алмания, Польша һәм Чехия дәүләтләре территорияләрендә урнашканнар. Иң биек урыны — 1602 м (Снежка тавы). Нигездә, грәнит, гнейс, комташ, сланецлардан төзелгән. Тау түбәләре яссы, битләүләре текә. Югары пояста альп типлы рельеф шәкелләре, мореналы күлләрне очрап була.

Судет таулары пол. Sudety, чех. Sudety, алман. Sudeten
50°45′00″ т. к. 15°53'00" кч. о.
Илләр	Чехия Чехия Алмания Алмания Польша Польша
Барлыкка килү периоды	Палеозой
Мәйдан	49 739 км²
Озынлык	347 км
Киңлек	310 км
Иң биек ноктасы	1602 м
Судет таулары Викиҗыентыкта

Судет тауларыннан Эльба, Одра, Морава елгалары башлана.

Климаты уртача, гыйнварның уртача температурасы —4°…—7°, июльнеке 8…14°. Еллык явымнар саны 700—1400 мм.

Тау битләүләре урман вә куаклыклар белән капланган, тау түбәләрендә болыннан һәм торфлы җирләр күп. Бальнеологик курортлар бар. Туризм үсеш алган.

Тарих

Бу җирләр судет алманнарының милли хәрәкәте белән бергә танылдылар. 1938 елда Мюнхен килешмәсе буенча Судетлар Гитлер Алманиясе тарафыннан аннексияләнде. Бу вакыйганы Икенче Бөтендөнья сугышына китергән конфликтларның берсе булып саныйлар.