Belbek Xalıqara hawa alanı

Belbek Xalıqara hawa alanı yäki Bilbäk Xalıqara hawa alanı(rusça Международный аэропорт Бельбек , qırımtatarça Belbek Halqara Ava Limanı ) - Aqyar şähäre yanında urnaşqan hawa limanı. Aqyar şähärenä häm başqa Qırım qalalarına xezmät kürsätä.

Belbek Xalıqara hawa alanı Bilbäk Xalıqara hawa alanı Belbek Halqara Ava Limanı Международный аэропорт Бельбек
İl	Rusiä
Töbäk	Aqyar
Hawa alanı töre	watandaşlar-xärbi
IKAO	UKFB
IATA	UKS
Urnaşu urını	Aqyar şähäreneñ Naximov rayonı
Bieklek	105 m
Koordinatlar	44°41′28″N, 33°34′36″E
Terminallar sanı	1
Cirle waqıt	UTC +2/+3
Eş waqıtı	täwlek buyı

Oçıp menü-töşü yulları (OMTY)
San	Zurlıq	Tüşämä
07/25	3007х48 m	armbeton

İsemdäş xärbi hawa alanı nigezendä buldırılğan.

Hawa alanı Aqyar şähäreneñ Naximov rayonında, Belbek (rusça Fruktovoye) awılı yanında "Aqmäscit-Aqyar,Yalta-Belbek hawa alanı" yul çatınnan 2,5 km arada urnaşa.

İsem

Belbek yä Bilbäk atası isemdäş yılğa isemennän çığa. Bil-bäge - Altın Urda, Qırım xanlığı çorında kilep çıqqan toponim, riwäyättä mäşhür tatar morzası iseme belän bäyle.

Tarix

Hawa alanı 1941 yılnıñ iyünendä xärbi hawa alanı bularaq suğış waqıtında barlıqqa kilä. Biredä istrebitel hawa polkı urnaşqan bulğan.

1980 yıldan soñ oçıp menü-töşü yulları yaxşırtıla, ozınaytıla. Mixail Gorbaçöv Foros daçasına barğanda Belbek hawa alanı belän qullana.

1993 yıldan watandaşlar oçışları oyıştırıla.

2010 yılda yañartılğan Belbek xalıqara hawa alanı açıla. Mäskäwgä (Vnukovo hawa alanı) daimi oçışlar açıla.

Basıp alu

Töp mäqälä Qırım krizisı

2014 yılnıñ 28 fevralendä Qırım krizisı waqıtında Belbek hawa alanı Rusiä ğäskäriläre tarafınnan basıp alına. Hawa navigatsiäse tuqtatıla.

Yaqtılıq-tawışlı granatalar qullanıp qaraul, skladlar, 4515 nomerlı xärbi bülge basıp alına.

22 martta Belbek hawa alanı tulısınça Rusiä Saqlanu Ministrılığı kontrole astına küçerelä.

Sıltamalar

• Фотографии воздушных судов в аэропорту «Бельбек»
• Аэропорт готов обслужить за год 60 тысяч пассажиров 2010 елның 24 сентябрь көнендә архивланган.
• Аэропорт Бельбек в каталоге аэропортов
• Перечень предоставляемых аэропортом услуг 2014 елның 27 апрель көнендә архивланган.