Саф табыш
Саф табыш (инг. net profit, bottom line, net income яки net earnings) — баланс табышының предприятие (оешма) карамагында салымнар, җыемнар, төрле акча күчерүләр һәм бюджетка түләнергә тиешле башка чыгымнарны чигергәннән соң кала торган өлеше. Саф табыш предприятиенең (оешманың) әйләнештәге акчаларын арттыруга, төрле фондлар һәм резервлар булдыруга һәм җитештерүгә яңа инвестицияләр кертүгә юнәлтелә.
| Саф табыш |
Саф табыш тулаем табыш һәм салымнар күләменә бәйле; ул шулай ук акционерларга дивидендлар түләү өчен нигез булып тора. Саф табыш булмаса яки бик аз булса, дивидендлар түләнмәскә дә мөмкин.