Ринас Әхмәдиев
Ринас Ришат улы Әхмәдиев (1989 елның 25 мае, Баулы, Баулы районы, Татарстан АССР, ССРБ) — Россия җиңел атлеты. 5000 метрга йөгерүдә махсуслашкан Россиянең халыкара класслы спорт мастеры.
| Ринас Әхмәдиев | |
|---|---|
 | |
| Туган | 25 май 1989 (34 яшь) Баулы, Татарстан АССР, РСФСР, СССР |
| Ватандашлыгы |  Россия |
| Һөнәре | җиңел атлет |
Карьера үзгәртү
Ринас Әхмәдиев 1989 елның 25 маенда Татарстан АССРның Баулы шәһәрендә туа. Җиңел атлетика белән сигезенче сыйныфта укыганда шөгыльләнә башлый[1]. Казан федераль университетының юридик факультетында укый[2].
2013 елда биналарда Россия чемпионатында җиңә[3]. 5000 метр дистанциягә йөгерү буенча 2013 елгы Россия чемпионы. 2013 елгы дөнья чемпионатында шәхси рекорд куя — 13:58,38. Әмма бу аңа бары 27 нче урынны гына алырга мөмкинлек бирә.
Бинада 3000 метр дистанциягә йөгерү буенча 2014 елгы Россия чемпионы, шунда ук 5000 м дистанциядә 7 нче була. Шәхси рекорд белән (28:32,01), Еринода узган 10 000 метр дистанциягә йөгерү буенча Россия җәйге Кубогында 5 нче урынны ала. Ике атнадан соң 5000 метрга йөгерүдә Россия чемпионатында 13:50,76 нәтиҗәсе белән 4 нче урынны ала.
2015 елның 28 маенда 5000 метрга йөгерүдә Россия команда чемпионатында икенче урынны ала (13:35.75, шәхси рекорд).
20 сентябрьдә Мәскәү марафонында 10000 метр дистанциягә йөгерүдә катнаша. Финишка кадәр 500 метр калганда Ринасны полиция хезмәткәрләре туктаталар. Бу хәл ялгыш килеп чыга, нәтиҗәдә ул финишка 29 минут 45 секунд эчендә килеп җитә һәм беренче урынны ала[1][4].
4 октябрь — ярыммарафон дистанциясендә (21 км) 1 Ереван ярыммарафонында (Yerevan Half Marathon, Armenia) 01:09:57.31 нәтиҗәсе белән беренче урын.
2016 елның 25 сентябрендә Мәскәү марафонының 10000 метр дистанциясендә беренче урынны ала, ул 2016 елның 25 сентябрендә Мәскәү марафонының 10000 метр дистанциясендә, 29:07 нәтиҗә күрсәтеп, беренче урынны ала[5].
2018 ел сезонында 11 августта 5000 метр дистанциягә 13:24.43 шәхси рекорды белән Аурупа чемпионатында 7 нче урынны ала.
2020 елның 2 августында Мәскәү ярыммарафонында җиңә. Ринас Әхмәдиев 21,1 км араны 1 сәгать 4 минут 24 секундта үтә[6][7].
Искәрмәләр үзгәртү
- ↑ 1,0 1,1 «В смысле, туда нельзя? Я финиширую!»
- ↑ Ринас Ахмадеев: «Моя цель — попасть на Олимпиаду в Рио-де-Жанейро»
- ↑ Ринас Ахмадеев – чемпион России
- ↑ Победителя московского марафона перед финишем остановил полицейский
- ↑ Сайт Москвы. www.mos.ru. әлеге чыганактан 2016-09-27 архивланды. 2016-09-25 тикшерелгән.
- ↑ Татарстанец Ринас Ахмадеев выиграл «Московский полумарафон»
- ↑ Ахмадеев заявил, что победа в Московском полумарафоне далась ему непросто
