Рим Бакыев
Рим Сагитович Бакиев (баш. Баҡыев Рим Сәғит улы; 1939 елның 4 гыйнвары, Благовещен районы, Башкорт АССР) — Россия сәяси эшлеклесе, өченче чакырылыш Россия Федерациясе Дәүләт Думасы депутаты, Башкортстан Премьер-министры (1994—1999).
| Рим Бакыев | |
|---|---|
| Туган телдә исем | баш. Рим Сәғит улы Баҡыев |
| Туган | 4 гыйнвар 1939 (85 яшь) Яңа Турбаслы, Тугайский сельсовет[d], Благовещен районы, БАССР, РСФСР, СССР |
| Ватандашлыгы |  Россия |
| Әлма-матер | Башкорт дәүләт аграр университеты |
| Һөнәре | сәясәтче, РФ Дәүләт думасы депутаты |
Тормыш юлы
үзгәртүРим Бакиев 1939 елда Башкорт АССРның Благовещен районы Түбән Турбаслы авылында туган. 1963 елда Башкорт авыл хуҗалыгы институтын тәмамлый. Уфа һәм Благовещен районнары хуҗалыкларында инженер-механик, баш инженер булып эшли.
1974 елдан 1990 елга кадәр «Степановский» совхозы директоры. 1990—1991 елларда — Благовещен район советы башкарма комитеты рәисе.
1991 елдан — «Башкирскптицепром» кошчылык предприятиеләре берләшмәсе генераль директоры.
Сәяси эшчәнлек
үзгәртү1990—1993 елларда — Россия Федерациясе халык депутаты, «Суверенитет һәм тигезлек» фракциясе әгъзасы. 1993 елдан — Башкортстан Республикасы премьер-министрының беренче урынбасары.
1994 елның июль-октябрь айларында — Премьер-министр вазыйфаларын башкаручы, октябрьдән — Башкортстан премьер-министры. 1995 елның мартында Башкортостан Республикасы Дәүләт Җыелышы вәкилләре палатасы депутаты итеп сайлана.
1995 елның 21 мартында яңадан Башкортстан Республикасы премьер-министры итеп билгеләнә. 1998 елның августында яңадан Республика хөкүмәте рәисе итеп раслана. 1999 елның гыйнварында премьер-министр вазыйфасыннан үз үтенече буенча азат ителә. Башкортстан Республикасы иминлек советының даими әгъзасы, Республика Президенты советы әгъзасы.
1999 елның декабрендә «Отечество — Вся Россия» сайлау блогының федераль исемлеге буенча өченче чакырылыш Россия Федерациясе Федераль Җыелышының Дәүләт Думасы депутаты итеп сайлана. «Отечество — Вся Россия» (ОВР) фракциясе әгъзасы, экология комитеты рәисе урынбасары була. Башкортстан Республикасында «Отечество» Бөтенроссия сәяси иҗтимагый оешмасының региональ бүлекчәсе советы рәисе итеп сайлана.
Бүләкләр
үзгәртү- Кызыл Байрак Хезмәт ордены;
- «Хөрмәт Билгесе» ордены;
- Почёт Ордены (1999);
- Башкортстан Республикасының атказанган авыл хуҗалыгы хезмәткәре
Гаилә
үзгәртүӨйләнгән, кызы бар.