Pol Gogeñ

Ejen Añri Pol Gogeñ (fransuzça Eugène Henri Paul Gauguin [øˈʒɛn ãˈʁi ˌpol ɡoˈɡɛ̃], 1848-1903) - Fransiä rässamı, sınçı, grafik.

Pol Sezann häm Van Gog bergä postimpressioniznıñ iñ kürenekle wäkile.

1870 yıllarda häwäskär bularaq räsem sänğäte belän şöğellänä başlıy.

1880 yıldan impressionizm kürgäzmälärendä qatnaşa.

1883 yıldan hönäri rässam.

Gogen räsemnäre naçar satıla bulğan, üze fäqir bulıp torğan.

Xäzerge waqıtta Gogennıñ räseme "Qayçan tuy bula?" - iñ qıybat satılğan räsem bulıp sanala.

Tormış yulı

1848 yılğı İnqıylab waqıtında Parijda tuğan.

Uncide yäşlek Gogeñ diñgezçe bulıp säwdä qorabında eşli başlıy, soñraq xärbi qorabta xezmät itä. Şunıñ öçen anası anı mirastan mäxrüm itä.

1872 yılda Parijğa qayta häm birja brokerı bulıp eşli başlıy. 1873 yılda öylänä.

1873-1874 yılda berençe peyzajlar icat itä.

1879 yılda impressionism kürgäzmälärendä qatnaşa.

1884 yılda Kopenhagenğa ğailäse belän küçenä, anda broker bulıp eşlärgä däwam itä.

1885 yılda Pol täwlek buyı räsem yasıy häm kinät xatının häm 5 balasın Daniädä taşlap, Parijğa qayta.

1887-1888 yılda Panamağa bara, Van Gog belän eşli.

1891 yılda Taiti utrawına bara, anda 80 räsem icat itä.

1901 yılda Hiva-Oa (Markiz utrawlarına) bara, anda Taiti xatınına öylänä, räsemnär, xikäyälär icat itä. Näq bu utrawda Gogeñ iñ yaxşı räsem yasıy.

1903 yılda bu utrawda ülä.

Tik ülemennän soñ 1906 yılda Gogeñğa dan kilä.

Gogeñ tormışı William Somerset Moem nıñ "Ay häm tien" kitabında taswirlanğan.