Бирге Кабан: юрамалар арасында аерма

'''Бирге́ Каба́н''' (''Түбән Кабан'') - [[Казан]] шәһәренең үзәк өлешендә, [[Кабан күле|Кабан]] күлләре системасындагы күл.

Су өслегенең мәйданы 48 га. Су күләме 3120 мең м³. Озынлыгы 1800 м, киңлеге 120 дән алып 325 м га кадәр, уртача тирәнлеге 6,5 м, иң тирән урыны 12 м. Килеп чыгышы буенча Бирге Кабан карст эшчәнлеге нәтиҗәсендә тирәнәйгән [[Идел елгасы]]ның элеккеге урыны булып исәпләнә. Күл сузынкы формада, борылмалы ярлары өеп ясалган грунт белән тигезләнгән. Бирге Кабан белән [[Аргы Кабан|Аргы (Урта) Кабан]] күле Ботаника ермагы аша кушыла.

Суы каты, нык минеральләшкән, гидрокарбонат-кальцийлы, составында [[сульфатлар]] һәм [[хлоридлар]] бик күп. Күл өчен начар газ режимы - [[кислородәче тудыргыч]] җитешмәү, күкертле водород булу, биоген, органик һәм башка пычраткыч матдәләрнең булуы хас. Флора-фаунасы бик ярлы, күл «үле» сулык дип исәпләнә (1980). Савыктыру чаралары үткәрү нәтиҗәсендә биотик бергәлек өлешчә торгызыла. Сирәк төрләрдән [[су чаяны]], ихтиофаунада [[чабак]], [[алабуга (балык)|алабуга]], [[җилембалык]], [[кызылканат]], [[көмеш табан]] балыклары очрый.

[[Төркем:Күлләр]]
[[Төркем:Татарстан күлләре]]
[[Төркем:Казан күлләре]]