Марат Бариев

Марат Бариев, Марат Мансур улы Бариев (1961 елның 9 июле, Казан, ТАССР, РСФСР, ССРБ) — Россия сәяси эшлеклесе. VI—VII чакырылыш РФ Дәүләт Думасы депутаты (2011―2016; 2016—х. в.), РФ Олимпия комитеты генераль сәркатибе (2010—2014), Татарстан яшьләр эшләре, спорт һәм туризм министры (2005—2010), «Бердәм Россия» фиркасе әгъзасы. Сәясәт фәннәре кандидаты. Татарстанның атказанган физик тәрбия хезмәткәре (2006).

Марат Бариев
VII чакырылыш РФ Дәүләт Думасы депутаты
Вазыйфада
Вазыйфага керешкән 2016 елның 18 сентябре
VI чакырылыш РФ Дәүләт Думасы депутаты
Вазыйфада 2011 ел – 2016 ел
РФ Олимпия комитеты генераль сәркатибе
Вазыйфада 2010 ел – 2014 ел
ТР яшьләр эшләре, спорт һәм туризм министры
Вазыйфада 2005 ел – 2010 ел
Дәвамчысы	Рафис Борһанов
Шәхси мәгълүмат
Туган	9 июль 1961(1961-07-09) (63 яшь) СССР, РСФСР, ТАССР, Казан
Сәяси фирка	Бердәм Россия
Әни	Люция
Әти	Мансур
Белем	Казан авиация институты Казан дәүләт университеты Казан дәүләт финанс-икътисад институты

Тәрҗемәи хәле

1961 елның 9 июлендә Казанда туган. Әтисе чыгышы белән Кукмара районыннан, әнисе Балтач районы Чутай авылыннан.

Казанның Северный бистәсендә урта мәктәпне, «инженер-механик» белгечлеге буенча Казан авиация институтын (1984), «юрист» белгечлеге буенча Казан дәүләт университетын (2000), Казан дәүләт финанс-икътисад институтын (2010) тәмамлый. Сәясәт фәннәре кандидатлыгына диссертация яклый.

Хезмәт юлы

• 1984—1986 елларда — С.П. Горбунов исемендәге Казан авиация җитештерү берләшмәсендә инженер-конструктор, 1986 елда ВЛКСМ комитеты сәркатибе урынбасары.
• 1986—1991 елларда — ВЛКСМның Казанның Ленин районы комитетында: икенче (1986—1989), беренче (1989—1991) сәркатип. ВЛКСМның Казан шәһәр комитеты сәркатибе (1990—1991).
• 1991—1994 елларда — Казан шәһәре Ленин районы яшьләр фонды идарәсе рәисе.
• 1994—2005 елларда — ТР балалар һәм яшьләр эшләре буенча дәүләт комитеты рәисе.
• 2005—2010 елларда — Татарстан яшьләр эшләре, спорт һәм туризм министры.
• 2010—2011 елларда — РФ Олимпия комитетының башкарма директоры.
• 2010—2014 елларда — РФ Олимпия комитеты генераль сәркатибе.
• 2011—2016 елларда — VI чакырылыш РФ Дәүләт Думасы депутаты, 2012 елның 13 гыйнварыннан РФ ДД физик тәрбия, спорт һәм яшьләр эшләре буенча комитет рәисенең беренче урынбасары.
• 2016 елдан — VII чакырылыш РФ Дәүләт Думасы депутаты.

Хезмәтләре

«Алтын каләм», «Созвездие-Йолдызлык» фестивальләре, «Сәләт» хәрәкәтен оештыруда, «Яшь гаиләләрне торак белән тәэмин итүдә дәүләт ярдәме турында» ТР программасын кабул итүдә, Универсиада-2013не Казанда үткәрүдә керткән өлеше зур.

Иҗтимагый эшчәнлеге

• 1990—1995 елларда — Казанның Ленин районы халык депутататлары район шурасы депутаты.
• Бөтенроссия җиңел атлетика федерациясе вице-президенты.
• Татарстан Республикасы Олимпия Советы рәисе
• «Спортлы Россия» ВДО Советы әгъзасы
• Россия студентлар спорты берлеге вице-президенты.

Гаиләсе

Хатыны Резеда, Казан дәүләт финанс-иктисад институтын тәмамлаган.

• кызлары Лилия, Казанның 2нче татар гимназиясендә, Лобачевский исемендәге лицейда укыган, КДУның юридик факультетын тәмамлаган, FISU штаб-фатиры (Лозанна, Швейцария) хезмәткәре.

Бүләкләре, мактаулы исемнәре

• 1997 — II дәрәҗә Ватан алдындагы хезмәтләр өчен орденының медале
• 2006 — Татарстанның атказанган физик тәрбия хезмәткәре
• 2009 — Дуслык ордены (РФ)
• 2014 — Хөрмәт ордены (РФ)

Чыганаклар

1. Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

Сылтамалар

• М. М. Бариев ТР эшлекле үзәге сайтында
• М. М. Бариев РФ Дәүләт Думасы сайтында

Әдәбият

• Э. Закирова. Мин тауның башында булырга тиеш. «Сөембикә», 2016 ел, № 6.

Элгәре: вазифа булдырылган үзе 1994—2005

Татарстан яшьләр эшләре, спорт һәм туризм министры 2005—2010

Аннары: Рафис Борһанов 2010―2014