Magdeburg xoquqı

Magdeburg xoquqı (almança Magdeburger Recht) - XIII ğasırda Magdeburg qalasında kilep çıqqan feodal' şähär xoquqı. Şähär xoquqlarınnıñ iñ bilgelese.

Magdeburg ratuşası

Magdeburg xoquqı buyınça iqtisadi eşçänlek, milek xoquqları, säyäsi-ictimäği tormış, şähär keşeläreneñ qatlaw xaläte üz ğädälät-mäxkämä qağidäläre belän tärtipkä salına.

Magdeburg xoquqınıñ çığanağı -"Sakson közge" (Sachsenspiegel) häm Magdeburg şähäreneñ nizamı (ustav).

Taralış

XIII—XVIII ğasırlarda Polşada häm Böyek Litva kenäzlegendä cäyelgän, şulay uq Ukrainada, Belorusiädä, Könbatış Rusiädä. Qayber şähärlär: Lviv, Vilnüs, Brest, Hrodna, Riwne, Minsk, Polatsk, Barısaw, Mahilöw, Borıspil, Vitsebsk, Çernihiv, Homel, Smolensk.

Magdeburg xoquqın alğan qalalar keşeläre feodal' burıçlar, däwlät türäläre ütkärgän mäxkämä, xäkimiättän azat itelä. Yähüdlärgä Magdeburg xoquqı qağılmağan.

1831 yılda Rusiä imperatorı Nikolay I böten imperiädä Magdeburg xoquqın yuqqa çığara (1835 yılda Kievta).

Ädäbiät

• Право магдебургское // Энциклопедический словарь Брокгауза и Ефрона: В 86 томах (82 т. и 4 доп.). — СПб., 1890—1907.
• Alexander Rogatschewski. Das Magdeburger Recht auf dem heutigen Territorium Rußlands: Forschungsstand und Forschungsperspektiven // Rechts- und Sprachtransfer in Mittel- und Ostmitteleuropa. Sachsenspiegel und Magdeburger Recht. Internationale und interdisziplinäre Konferenz in Leipzig vom 31. Oktober bis 2. November 2003. (IVS SAXONICO-MAIDEBVRGENSE IN ORIENTE. Bd. 1) / Hrsg. von E. Eichler und H. Lück. — Berlin: Walter de Gruyter, 2008. — S. 207—287. — ISBN 978-3-89949-428-0.