Көлдереш

Көлдереш — татар халык уены.

Көлдереш
Уенчылар саны	күп
Уйнау урыны

Уйнау тәртибе

Балалар тезелешеп утыралар һәм бер көлдерүче сайлыйлар. Ул уртага чыга һәм болай дип такмазалый:

Указым, указым,

Казаннан килгән приказым.

Алга-артка карамаска,

Елмаймаска, көлмәскә,

Ак, карага тимәскә,

Әйе, юк димәскә!

Шуннан соң беренче утырган уенчы янына барып: «Унике сум акча бирәм, базарга барасыңмы?» — ди һәм аңа төрле сораулар биреп уен шартын боздырырга тырыша. Әгәр көлдерүче сораулар биргәндә, бала көлсә, кагылмаска тиешле төсне әйтсә, ялгыш «әйе, юк» дисә, ул уеннан чыга. Шул рәвешчә көлдерүче һәр уенчы белән әңгәмә корып чыга. Уен бер генә көлмәгән, уен шартын үтәгән бала калганчы дәвам итә һәм ул җәза бирүче була. Җәза үтәлгәннән соң, уен яңадан башлана.

Чыганаклар

• Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.