Кәбестә бәлеше

Кәбестә бәлеше
Бәлеш
авторлык
Үз исеме	Кәбестә бәлеше
Автор	халык ашы
Компонентлары
Төп	камыр кә­бестә май йомырка сөт тоз
Өстәмә	укроп яки башка тәмләткечләр
аналоглары
яшел суган бәлеше
Азык кыйммәте
Калориялеге:	җиңелчә

Камыры

Кәбестә бәлешен әче камырдан ясыйлар. Бәлеш кыяклы яшел суган бәлеше кебек үк ясала.

Кәбестә бәлешенең эчлеген хәзерләү

Тыгыз башлы ак кәбестә алып, аны тышкы кабыкларыннан чистартыр­га, күчәнен кисеп ташларга һәм шуннан сон чиста тагаракка са­лып, вак кына итеп чабарга кирәк. Чабылган кәбестәгә тоз си­беп, кул белән уалар. Уганнан соң ул сулана. Суын саркыту өчен; аны бераз юкә иләккә салып торырга кирәк. Шуннан соң кәбестәне майлы кызган табага салып, өстенә бераз сөт сибеп, өстен каплап утка куялар. Кәбестә тәмам йомшарганчы парлан­дырыла. Әзер булгач, аны суыталар. Шуннан соң кәбестәгә каты итеп пешерелгән һәм ваклап туралган йомырка кушып, мул итеп май сибеп, яшел суган бәлешен ясаган кебек ясыйлар.

Бәлешне әзерләү

Кәбестә­не камыр эченә салгач, бер-ике чи йомырка туглап сибәргә дә ярый. Болай эшләгәндә, ашаган чакта бәлештән кәбестә коел­мый, эче тотрыклы була.

Чабылган кәбестәне бәлеш эченә парландырмыйча, чи килеш тә салырга мөмкин. Бу вакыт бәлеш мичтә озаграк тотыла.

Рецепт:

Бер бәлеш өчен: 1—1,2 килограмм камыр, 2 килограмм кә­бестә, 200—250 грамм май, 6—7 йомырка, ярты стакан сөт һәм кирәк кадәр тоз алына,

Чыганаклар

• Татар теленең аңлатмалы сүзлеге (өченче томда) Казан, 1977.
• Юныс Әхмәтҗанов, "Татар халык ашлары" китабы, 1969 ел.
• Татар халык ашлары. Руcчадан Р.Х. Камалова,, В.Р. Шәрипова тәрҗемәсе. - Казан:Татарстан китап нәшрияты, 1987.