Константин Калинин (полковник)
Константин Калинин, Константин Михаил улы Калинин (рус. Константин Михайлович Калинин) ― Федераль сак хезмәте полковнигы [2], «Россия Федерациясе Хөкүмәте каршындагы Аналитик үзәк» автономияле коммерцияле булмаган оешмасы җитәкчесе (2020 елдан).
| Константин Калинин | |
|---|---|
 | |
| РФ Хөкүмәте каршындагы Аналитик үзәк җитәкчесе | |
| Вазыйфага керешкән 2020 елның 24 гыйнвары | |
| Президент | Владимир Путин |
| Премьер-министр | Дмитрий Медведев Михаил Мишустин |
| Аңа кадәр | Константин Носков (2012-2018) Владислав Онищенко (2018-2020) [1] |
| Шәхси мәгълүмат | |
| Сәяси фирка | Бердәм Россия |
| Белем | Хөкүмәт элемтәсе хәрби институты Санкт-Петербург Хәрби элемтә университеты |
Тәрҗемәи хәле
үзгәртү1991 елда Югары хәрби команда элемтә училищесын (2004 елдан Россия Федерациясе Федераль сак хезмәте академиясе [3]) һәм 2001 елда Санкт-Петербург Хәрби элемтә университетын (2004 елдан С. М. Буденный исемендәге хәрби элемтә академиясе) тәмамлаган.
1991-2005 елларда – Россия Федерациясе Президенты каршындагы хөкүмәт элемтәсе һәм мәгълүмат федераль агентлыгында (ФАПСИ),
2005 елдан 2019 елга кадәр – Россия Федерациясе Федераль сак хезмәтендә (ФСО) төрле вазыйфалар башкара: ФСО Саклау чараларын планлаштыру һәм оештыру идарәсе башлыгы урынбасары. Аерым алганда, «Россия – спорт державасы» Халыкара спорт форумын әзерләү һәм үткәрү белән шөгыльләнгән. Красноярскида 2019 елгы Универсиадага әзерлек һәм аны уздыру буенча оештыру комитетында эшләгән.
2020 елның 24 гыйнварында «Россия Федерациясе Хөкүмәте каршындагы Аналитик үзәк» автономияле коммерцияле булмаган оешмасы җитәкчесе вазыйфасына билгеләнә [4] [5]. «Аналитик үзәк» АКБО ― РФ Министрлар Кабинетын экспертиза белән тәэмин итүче ведомство (Россия икътисадының, сәнәгатьнең, цифрлы үсешнең торышы, законнарның йогынтысы һ. б. турында докладлар һәм аналитика әзерли).
Бүләкләре, мактаулы исемнәре
үзгәртү- 2002 – II дәрәҗә «Ватан алдындагы казанышлары өчен» ордены медале
- 2010 – Россия Президенты Рәхмәте – «Россия – спорт державасы» Халыкара спорт форумын әзерләү һәм уздыру өчен
- 2013 – «Фидакарь хезмәт өчен» медале (Татарстан) – Казан шәһәрендәге 2013 елгы XXVII Бөтендөнья җәйге универсиадасын әзерләү һәм үткәрү чорында дәүләт саклавы объектлары иминлеген тәэмин итү буенча чаралар комплексын оештырган өчен
- 2015 – I дәрәҗә «Ватан алдындагы казанышлар өчен» ордены медале
- 2022 – «Татарстан Республикасы алдындагы казанышлары өчен» ордены медале – Татарстан Республикасы белән нәтиҗәле хезмәттәшлек һәм уртак проектларны гамәлгә ашыруга зур өлеш керткән өчен [6]
Искәрмәләр
үзгәртү- ↑ Глава Аналитического центра при правительстве покинет свой пост. РБК, 26.01.2020(рус.)
- ↑ Рустам Минниханов вручил в Москве государственные награды Республики Татарстан.(үле сылтама) Полномочное представительство Республики Татарстан в Российской Федерации, 23.12.2013
- ↑ КЛУБ ВЫПУСКНИКОВ АКАДЕМИИ ФСО РОССИИ(рус.)
- ↑ Мозговым трестом цифровой экономики будет руководить выходец из ФСО. Cnews, 27.01.2020(рус.)
- ↑ Калинин Константин Михайлович. 2022 елның 11 февраль көнендә архивланган. Аналитический центр при Правительстве Российской Федерации(рус.)
- ↑ Константин Калинин «Татарстан алдындагы казанышлары өчен» ордены белән бүләкләнде. Татар-информ, 10.02.2022
Сылтамалар
үзгәртү- Калинин Константин Михайлович. 2022 елның 11 февраль көнендә архивланган. Аналитический центр при Правительстве Российской Федерации(рус.)