Төп менюны ачу

БирәзәКазансуның уң кушылдыгы. Озынлыгы 19,2 км, бассейнының мәйданы 95,8 км2. Арча районы территориясеннән ага. Елга башы Чиканас авылыннан 1,5 км төньяк-көнбатыштарак, тамагы Зур Бирәзә авылыннан 1 км көньяктарак. Елга башының абсолют биеклеге 159 м, тамагыныкы - 87 м. Су җыелу мәйданының урманлылыгы 7%. Бирәзә елгасының 0,3 тән алып 11 км га кадәр озынлыктагы 3 кушылдыгы бар, иң зурысы - Иске йорт елгасы (уң кушылдык). Елга челтәренең тыгызлыгы 0,29 км/км2. Туенуы катнаш, күбесенчә кар сулары исәбенә. Җир асты туендыру модуле 0,5-1 л/с•км2. Елганың гидрологик режимы ташу вакытында су муллыгы һәм җәен нык саегуы белән характерлана. Бассейнда еллык су агымының уртача күпьеллык катламы 133 мм, ташу агымы катламы 110 мм. Язгы ташу, гадәттә, апрельнең беренче ун көне эчендә башлана. Елга ноябрь башында туңа. Елга тамагында суының иң аз вакытындагы уртача күпьеллык чыгымы 0,08 м3/с. Язын суы чагыштырмача каты (3-6 мг-экв/л), кышын һәм җәен бик каты (12-20 мг-экв/л). Гомуми минеральләшүе язын 100-200 мг/л, кышын һәм җәен 700-1000 мг/л. Су ресурслары сугару өчен кулланыла.

Бирәзә
Тасвир
Озынлыгы 21 км
Бассейн мәйданы 96 км²
Бассейны Куйбышев сусаклагычының Казан каласыннан Кама Тамагы бистәсенә чаклы Идел участогы
Елгалар бассейны Идел, Куйбышев сусаклагычы башыннан Каспий диңгезенә койганчы
Елга башы Урта Бирәзә белән Чиканас арасында
Елга тамагы Казансу елгасының уң ярыннан 101 км ераклыкта
Урнашкан урыны
Ил Русия

ИскәрмәләрҮзгәртү

СылтамаларҮзгәртү