Без солылар чәчәбез

Без солылар чәчәбез— татар балалар уены.

Без солылар чәчәбез
Уенчылар саны	күп
Уйнау урыны
Физик активлык	түбән

Уйнау тәртибе

Балалар ике рәт булып тезелеп басалар да җырлап-такмак-лап бер-берләренә якынаялар:

— Без солылар чәчәбез, чәчәбез.
— Нәрсә белән чәчәсез?
— Чәчкеч белән чәчәбез.
— Без аларны таптыйбыз.
— Нәрсә белән таптыйсыз?
— Ат җибәреп таптыйбыз.
— Без аларны тотабыз.
— Нәрсә белән тотасыз?
— Йөгән белән тотабыз.
— Мә, алайса йөз тәңкә, мең тәңкә.
— Кирәкми йөз тәңкә, мең тәңкә.
— Сезгә алайса ни кирәк, ни кирәк?
— Безгә матур кыз кирәк. (Кызга күрсәтәләр.)
— Ул кызыбыз бик елак.
— Конфет, прәннек бирербез.
— Конфет, прәннек яратмый.
— Яратмаса, эләкми.

Шулай дигәч, билгеләнгән кызны уртага чыгаралар һәм ул нинди дә булса һөнәр күрсәтергә тиеш. Уен шуның белән тәмам була.

Чыганаклар

• Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.