Актаныш районы флагы
Татарстан Республикасы Актаныш муниципаль районы флагы — муниципаль берәмлекнең рәсми символы булган танып-белү-хокукый билгесе. Флаг 2005 елның 10 декабрендә расланган[1] һәм теркәү номеры 2625 булган Россия Федерациясе Дәүләт геральдика регистрына һәм 71 нче номерлы Татарстан Республикасы Дәүләт геральдика реестрына кертелгән.[2]
| Актаныш районы флагы | |
| Нигезләнү датасы | 2005 |
|---|---|
.png) | |
| Дәүләт |
 Россия |
| Юрисдикциягә карый | Актаныш районы |
Тасвирлама
үзгәртү«Киңлеге озынлыгына 2:3 нисбәттәге, горизонталь буенча тәңкәсыман бөгелгән сызыклар белән өч — күк (тукыма киңлегенең 5/16 өлеше киңлегендә), ак (тукыма киңлегенең 1/9 өлеше киңлегендә) һәм яшел буйларга бүленгән туры почмаклы тукыма; күк буйда — ике акчарлак арасында сары кояш, яшел буйда сары башаклар көлтәсе сурәтләнгән».[3]
Символиканың нигезләнүе
үзгәртүФлаг Актаныш районы гербы нигезендә эшләнгән, ул символлар һәм аллегорияләр теле белән төбәкнең географик һәм икътисади үзенчәлекләрен чагылдыра.
Балкып күтәрелеп килүче Кояш районның урнашу урынын символлаштыра — район Татарстан Республикасының Көнчыгыш читендә били. Җирле халык таңны беренче булып каршы ала. Кояш — озын гомер, активлык, көч, хезмәт сөючәнлек символы.
Ике акчарлак һәм ак дулкынлы буй су ресурсларының аерым ролен күрсәтә — район чикләренең күп өлеше Агыйдел, Ык, Сөн, Түбән Кама сусаклагычлары ярлары буенча уза. Ак төс (Көмеш) — чисталык, камиллек, тынычлык һәм үзара аңлашу символы.
Районның хуҗалык тормышы Флагта унике башаклы көлтә белән чагылдырылган. Район икътисадының нигезе — авыл хуҗалыгы. Биредә азык-төлек һәм техник культураларның күп төрләрен генә үстереп калмыйча, эшкәртү предприятиеләре дә үсеш алган. Унике башак — елның 12 ае, аллегорик рәвештә тулы еллык авыл хуҗалыгы циклы. Башаклар белән шулай ук бер район территориясе белән берләшкән авыл округлары да күрсәтә. Көлтә — уңдырышлылык, дуслык, уртак мәнфәгатьләр, ныклык символы.
Сары төс (алтын) — уңыш, байлык, тотрыклылык, хөрмәт символы.
Яшел төс — сәламәтлек, табигать, тормыш үсеше символы.
Зәңгәр төс — намус, зыялылык, рухи байлык символы.
Моны да карагыз
үзгәртүИскәрмәләр
үзгәртү- ↑ Решение Совета Агрызского муниципального района Республики Татарстан от 01.08.2006 № 7-5 «О флаге муниципального образования „Агрызский муниципальный район Республики Татарстан“»
- ↑ Внесён в Государственный геральдический реестр Республики Татарстан под № 27
- ↑ Онлайн - энциклопедия Tatarica
Әдәбият
үзгәртү- Государственные и муниципальные символы республики татарстан = Татарстан республикасы дәүләт һәм муниципаль символлары = State and municipal symbols of the Republic of tatarstan.. — Казань: Татарское книжное издательство, 2017. — С. 65-68. — 248 с.
